Vakio ny "Amintsika Andriamanitra", toko voalohany ao amin'ny IFM.
"Efa nisy hatramin'ny fahagola I Jesôsy Kristy Tompo, Ilay Zanak'Andriamanitra, Persona miavaka mihitsy, kanefa iray tamin'ny Ray. Izy no voninahitry ny lanitra izay manan-tombo. Izy no Komandin'ireo anjelin'ny lanitra, ary raisiny ho zony ny fanajana feno fiankohofana ataon'ireo anjely. Tsy fandrobana an'Andriamanitra tsy akory izany." [Ohab. 8:22-27].
Misy fahazavana sy voninahitry ao amin'ny fahamarinana momba ny maha-iray an'i Kristy amin'ny Ray talohan'ny nanorenana an'izao tontolo izao. Fahazavana izay mamirapiratra ao amin'ny haizina izany, izay mahatonga izany hamirapiratry ny voninahitr'Andriamanitra izay nisy tany am-piandohana. lo fahamarinana io, izay mirakitra zava-miafina tsy hita fetra ao aminy, dia manazava fahamarinana hafa izay feno zava-miafina sy tsy azo hazavaina amin'ny fomba hafa, raha voafono ao anatin'ny fahazavana tsy azo atonina sy tsy takatry ny saina izany." - SDABC, b. 5, t. 1126.
"Hoy Jesôsy hoe: 'Ary izaho, raha asandratra hiala amin'ny tany, dia hitaona ny olona rehetra hanatona Ahy.' Tsy maintsy ampahafantarina ny mpanota, fa Kristy no IIay Mpamonjy izay maty noho ny fahotan'izao tontolo izao. Ary raha mibanjina nay Zanak'Ondrin'Andriamanitra eo ambonin'ny hazo fijaliana any Kalvary isika dia hiantomboka hivelatra ao an-tsaintsika ny zava-miafina ny amin'ny fanavotana ary ny hatsaran'Andriamanitra hitarika antsika ho amin'ny fibebahana. Tamin'ny nahafatesany ho an'ny mpanota no nanehoan'i Kristy fitiavana tsy takatry ny saina. Ary ny fibanjinan'ny mpanota izany fitiavana izany no manohina ny fony sy manaitra ny sainy ary mampibebaka azy marina amin'ny fanahiny. (...) Kanefa azo lazaina fa izay miezaka mafy hihatsara, noho ny faniriany fatratra hanao ny marina, dia ny herin'i Kristy no mitarika azy. Hery izay tsy noeritreretiny akory no miasa ao amin'ny fanahiny, ka dia tonga tsara ny fitondran-tena miseho eo ivelany. Ary arakaraka ny itarihan'i Kristy azy hiandrandra ny hazo fijaliana sy hibanjina Azy izay nolefonin'ny fahotan'ny mpanota, dia amin'izay ny didy no hiteny amin'ny fieritreretany." - DHK, tt. 29, 30, ed. 2018.
FANONTANIANA hifanakalozan-kevitra:
1. Nahoana i Jaona no nanomboka ny filazantsarany tamin'ny firesahana momba ny maha-Mpamorona an'i Jesôsy? Inona no ambaran'izany amintsika momba ny Ianjan'ny Famoronana eo amin'ny teolojia rehetra? Nahoana, araka izany, no zava-dehibe ny fahatakarantsika araka ny tokony ho izy ny Famoronana, araka izay anambaran'ny Soratra Masina azy?
2. Saintsaino bebe kokoa ny fanontaniana napetraka tamin'ny fiafaran'ny fizarana Alahady. lnona no ho niseho raha toa tsy Ilay Andriamanitra mandrakizay no maty teo amin'ny hazo fijaliana fa voary nohariana? lnona no ho verintsika raha toa Jesôsy tsy Andriamanitra mandrakizay?