Vakio ny Fil. 2:17; 2 Tim. 4:6; Rôm. 12:1,2; ary ny 1 Kor. 11:1. Inona no tian'i Paoly holazaina ao amin'ireo andininy ireo?
Efa nasehon'i Paoly tamin'ny fomba manaitra ny tsy fahatapahan-keviny momba ny fiainany na ny fahafatesany eo am-panompoana an'i Kristy (Fil. 1:20-23). Izao indray izy dia milaza fa tena azony atao tsara ny "haidina ho fanatitra aidina" (Fil. 2:17). lo sary io dia mifototra amin'ny fanaon'ny Isiraely fahiny amin'ny fanaovana fanatitra aidina, izay nampiasana ranoka (toy ny menaka, divay, na rano) ho fanatitra ho an'Andriamanitra (jereo, ohatra, ny Gen. 35:14; Eks. 29:40; 2 Sam. 23:15-17). Ity toa "fandaniam-poana" ranoka sarobidy ao anatin'ny fanompoam-pivavahana ity dia mety hampahatsiahy antsika ny nataon'i Maria tamin'ny nanosorany ny lohan'i Jesôsy sy ny tongony tamin'ny "menaka manitra nisy narda saro-bidy indrindra" (Mar. 14:3-9; Jao. 12:3). Na tsy tena fanatitra aidina aza izany, dia naneho mazava fahafoizan-tena lehibe izay mampiseho tsara ny sorona tsy manam-petra nataon'i Kristy ho famonjena antsika.
Raha hovonoina noho ny fanapariahany ny filazantsara i Paoly, dia faly izy satria ho fanatitra "haidina" ho an'Andriamanitra ny fiainany. Tsy mandeha irery mantsy ny fanatitra aidina ao amin'ny Baiboly hebreo fa miaraka amin'ny sorona (jereo ny Nom. 15:1-10; Nom. 28:1-15), koa heverin'i Paoly fa ny fanolorany ny ainy no mameno ny "fanatitra sy fisoronana" ho an'ireo mpino tany Filipy, izay nifidy ny hanokana ny fiainany ho an'Andriamanitra, amin'ny alalan'ny finoana, ho toy ny "fanatitra velona". - Rôm. 12:1.
Nazoto nizara ny finoany ireo Kristianina voalohany, anisan'izany ireo tany Filipy (Fil. 1:27-29). Nitety tokantrano izy ireo nitory ny fitazantsara (Asa 5:42). Novohan'izy ireo ny tranony mba hahafahana miara-mandinika ny Soratra Masina (Asa 12:12; 1 Kor. 16:19; K61. 4:15; Filem. 1,2), ary hainy ny nanazava ny anton'ny finoany, ao amin'ny Soratra Masina (Asa 17:11; Asa 18:26; 1 Pet. 3:15). Nanao toy izany koa ireo mpamaky lay advantista. Tsy niantehitra tamin'ny pasitora izy ireo mba hanapariaka ny hafatra amin'ny mpiara-belona aminy, fa nizara ny finoany, nampianatra Baiboly, ary nanomana ny olona ho vonona hatao batisa rehefa miverina ny mpitandrina.
Raha fintinina dia tamin'ny alalan'ny fahafoizan-tena lehibe, izany hoe, ny fanoloran'izy ireo ny tenany ho "fanatitra velona", no niasany sy nampielezany ny filazantsara. Ho latsaka noho izany ve ny tokony hataontsika?
Saintsaino ny hevitr'izany hoe ny fiainanao dia "fanatitra velona." Hatraiza ny fahafoizan-tenanao ho an'ny fanjakan'Andriamanitra? lnona no ambaran'ny valin-teninao momba ny tenanao?