Manaiky hankatò ny didin'Andriamanitra MF, 1. 47
Vakio "Ny fitiavan'Andriamanitra ny olona", toko voalohany ao amin'ny DHK.
"Ny tenin'Andriamanitra dia mampiseho ny toetrany. Ary ny Tenany ihany aza no nanambara ny fitiavany sy ny famindrampony tsy misy fetra. Raha nivavaka i Mosesy nanao hoe: 'mba ampahitao ny voninahitrao aho, 'dia hoy i Jehôvah : 'Izaho hampandalo ny fahatsarako rehetra eo anatrehanao-Eks. 33:18,19. Ary rehefa nandalo teo anatrehan'i Mosesy Jehôvah dia niantso hoe: Jehôvah , Jehôvah , Andriamanitra mamindra fo sy miantra, mahari-po sady be famindrampo sy fahamarinana, mitahiry famindrampo ho an'ny olona arivo mandimby, mamela heloka sy fahadisoana ary fahotana - Eks. 34:6,7. Tsy mora tezitra sady be indrafo Izy, satria 'tia famindram-po'. - Jônà 2:2; Mika 7:18.
Na any an-danitra, na ety an-tany, dia maro tokoa ireo antoky ny hamoram- pon'Andriamanitra izay omeny antsika. Tamin'ny alalan'ny zavaboary sy ny fanehoam- pitiavana fatratra sy lalina indrindra, izay mety ho fantatr'olombelona, no nitadiavany hanehoana ny Tenany tamintsika. Kanefa na dia ireny aza dia tsy tanteraka hoenti- mampiseho ny fitiavan’Andriamanitra.
Fa na dia tao aza izany rehetra izany, ny fahavalon'ny fahatsarana dia efa nanajamba ny sain'ny olombelona, ka dia tamin-tahotra no nanatonan'ny olona an'Andriamanitra, sady noheveriny ho masiaka sy tsy mamela heloka Izy. Efa notarihin’i Satana ny olona hihevitra an'Andriamanitra ho henjan-doatra amin'ny fahamarinana, na toy ny mpitsara masiaka, na tompon-trosa lozabe sady tsy azo ifonana. Nasehony fa Andriamanitra dia tahaka ny olona mikendry tohina hahita ny tsiny sy ny fahadisoan'ny olona mba hahazoany mamely sy mitsara azy. Ary ny hanala izany aloka mainty izany, ka hampiseho amin’izao tontolo izao ny fitiavan’Andriamanitra tsy manam-petra, no nahatongavan'i Jesôsy hiara- monina tamin'ny olombelona." - DHK, tt. 8, 9 (ed. 2018).
FANONTANIANA hifanakalozan-kevitra
1. Nahoana no zava-dehibe ny fanekena fa tsy afa-misaraka amin'ny fahatsaran'Andriamanitra ny voninahiny? Ahoana no hanitsian'izany ny fampianarana momba ny voninahitra izay manasongadina ny fahefana fa tsy ny fitiavan'Andriamanitra sy ny toetrany?
2. Efa nisalasala ny amin'ny fahatsaran'Andriamanitra ve ianao? Mahafantatra olona izay nisalasala ny amin'ny fahatsaran'Andriamanitra ve lanao, noho ny zavatra ataon'ireo mitonona ho mpanara-dia an'Andriamanitra na koa noho ny faharatsiana rehetra misy eto amin'izao tontolo izao? Nanao ahoana ny niatrehanao manokana izany fanontaniana izany, ary ahoana no mety hanampianao ny olona iray mametra-panontaniana raha toa tsara tokoa Andriamanitra? Jereo ny lesona amin'ny herinandro.
3. Velabelaro ny valintenin'ny fanontaniana ao amin'ny fizarana Alatsinainy. Ahoana no anampian'ny maha-zava-misy marina ny fifanandrinana lehibe eo amin'ny tsara sy ny ratsy antsika hahatakatra ireo zava-dratsy rehetra misy ankehitriny?