Vakio ny Jao. 6:61-68. Inona no nolazain'i Petera rehefa nanontany ireo mpianany | Jesõsy raha te handao Azy koa izy Ireo. Inona no hevitry ny teny nambaran'l Petera?
Anisan'ny lohahevitra hita manerana ny filazantsaran'i Jaona ny tenin'i Petera mikasika ny "fiainana mandrakizay". Ao amin'ny Jao. 6 no ahitana ny teny hoe "fiainana mandrakizay" miverina imbetsaka, ao anatin'ny tontolon-kevitry ny famahanana ireo olona dimy arivo (Jao. 6:27, 40, 47, 54, 68). Ambaran'i Jesõsy fa Izy no Mofon aina (Jao. 6:35); midika izany fa loharanon' 'ny farmonjena mandrakizay ny fiainany sy ny fahafatesany ary ny fitsanganany tamin'ny maty.
In-17 farafahakeliny no ahitana ny hoe "fiainana mandrakizay" na ny teny mitovy hevitra aminy ao amin'ny filazantsaran'i Jaona. Tsy manondro ny fisian'ny fanahy misaraka amin'ny vatana izany, na koa ny fahatongavana ho anisan'ny fanahy velona mandrakizay na izay fiheverana ara-panahy hafa. Tsy izany, fa ilay hery manolotra fiainana izay mitondra famonjena sy heviny ho an'ny fisiantsika anketrihiny sy ilay fiainana tsy manam-pahataperana amin'ny fiverenan'ny Tompontsika no tondroin'izany. Tahaka ny nahatongavan'i Jesôsy nofo no isehoan'ny fitsanganana amin'ny maty izay resahiny, anatin'ny fotoana sy ny erana ary ny vatana azo tsapain-tanana. Fitsanganana amin'ny maty izany, fanavaozana ilay fiainana izay nisy tao Edena fahizay.
Fomba ahoana no handraisantsika ny fiainana mandrakizay? Jao. 3:15,16; Jao. 5:24; Jao. 6:40,47; Jao. 8:31; Jao. 12:46; Jao. 20:31.
Amin'ny finoana irery ihany no inoantsika fa tonga nofo i Jesôsy Kristy ary maty ho antsika. Tonga amintsika tahaka ny fanomezana izany finoana izany nefa tsy maintsy misafidy ny hampilefitra ny momba antsika amin'i Jesôsy isika, sy hibebaka ary hangataka ny rany mba hahazoantsika famelana sy fanadiovana amin'ny fahotana.
Rehefa nanontany an'i Petera i Jesôsy raha toa izy handao Azy koa, dia izao no navalin'i Petera: "Tompo ô, hankany amin'iza moa izahay? Hianao no manana ny tenin'ny fiainana mandrakizay." - Jao, 6:68. Izany no mamintina ny votoatin'ny famonjena sy ny fomba hahatrarantsika izany. Tsy avy amin'ny filozofia izany. na ny tantara sy ny siansa, ireo rehetra ireo dia fampianaran'olombelona, fa avy amin'i Jesôsy izay manana ny fiainana mandrakizay ao Aminy ka manolotra izany maimaimpoana ho an'ireo rehetra mamaly ny antson'ny Fanahy Masina ka mandray izany.
Misy fiantraikany eo amin'ny fomba fijerintsika ny fiainana eto an-tany ve ny teny fikasana momba ny fiainana mandrakizay; amin'ny fomba ahoana? Ahoana no tokony ho fiantraikan'izany eo amin'ny fomba fijerintsika izany?