Tsy miankohoka amin'ny bibidia ny vahoakan'Andriamanitra fa mahita ny fifaliany lehibe indrindra sy ny fahafinaretany ambony indrindra amin'ny fiankohofana Aminy. Avy amin'ny fony feno fitiavana no ipoiran'ny fankatoavany. Manolo-tena ho Azy izy ireo satria fantany ny fanoloran-tena nataon'Andriamanitra taminy.
Vakio ny Apôk. 13:5. Soraty eo amin'ny tsipika eo ambany izany toetra mampiavaka izany.
Tsarovy fa ao amin'ny lesona faha-4 no anomezan' Andriamanitra antsika ny fanalahidy hahatakarana ny fotoana ara-paminaniana – iray andro ara-paminaniana mira iray taona ara-bakiteny (Nom. 14:34; Ezek. 4:6). Raha ataontsika kajy ny vanim-potoana 42 volana voalaza ao amin'ny Apôk. 13:5 amin'ny fampiasana ny volana hebreo misy andro 30 dia mahazo 1260 andro ara-paminaniana na taona ara-bakiteny isika.
Nanana hery miasa mangina lehibe ny fahefana papaly tamin'ny taona 538 hatramin'ny taona 1798. Saingy rehefa nampidirin'i Berthier, jeneralin'i Napoleon, am-ponja ny Papa, tamin'ny taona 1798 dia tapitra ny vanim-potoana ara-paminanianiny maha-faratampony ny fanjakana papaly ary tanteraka ny faminanian'ny Apôkalipsy: "Raha misy mamabo, dia mba hobaboina kosa izy"- Apôk. 13:10. Tena mafy tokoa ny famelezana nahazo ny papa saingy tsy nahafaty azy izany. Araka ny Apôk. 13:12 dia ho sitrana ilay fery saika nahafaty azy. Ho tsapa manerana ny tany manontolo indray ny hery miasa mahataona ananan'ny papa.
Amin'izao fotoana izao, ireo mpitondra eto amin'izao tontolo izao dia mandray ny papa ho ambasadaoron'ny Eglizin'i Rôma ary mamangy azy tsy tahaka any Vatican. Ao anatin'ny tontolo anjakan'ny tsy fandriam-pahalemana tsy mbola nisy toy izany no ametrahana ny Papan'i Roma ho mpitarika ara-pitondran-tena ankamamian'izao tontolo izao, izay afaka hampivondrona ny vahoaka. Izao no nambaran'ny papa Benoit XVI nandritra ny fandraisany fitenenana ny 6 Jona 2012 manoloana ny olona maherin'ny 15 000 niangona teo anoloan'ny Saint-Pierre tao Rôma: "Ny Alahady dia andron'ny Tompo, an'ny lehilahy sy ny vehivavy, andro natao hananan'ny tsirairay avy fahafahana, fahafahana ho an'ny ankohonana ary fahafahana ho an'Andriamanitra. Amin'ny fiarovana ny Alahady dia miaro ny fahafahan'ny olombelona isika."— https://www.vatican.va/content/benedict-xvi/ en/audiences/2012/documents/hf ben-xvi_aud_20120 606.html.
Ambaran'ny boky "Hery Mifanandrina" mazava tsara ny hiafaran'izany fihetsehana izany indray andro any: "lreo manaja ny Sabatan'ny Baiboly dia ho ampangaina ho fahavalon'ny lalàna sy ny filaminana, ho mpandrodana ny lalàna mamefy ny fiainana ara-pitondrantena eo amin'ny tany ama-monina, ka mahatonga fanjakan’ny baroa sy fahalotoam-pitondrantena, sady miantso ny fitsaran'Andriamanitra hianjady amin'ny tany. (...) Ho ampangaina ho tsy manaja ny fanjakana izy amin'izany. Hisy mpitandrina izay handa ny tsy maintsy hitandremana ny lalà’Andriamanitra ka hamelabelatra eny ambony polipitra ny adidy amin'ny fileferana sy ny fankatoavana ny lalàm-panjakana amin'ny maha-avy amin'Andriamanitra izany. Haseho amin'ny endrika diso any amin'ny antenimieran-dalana sy eny amin'ny fitsarana ireo mpitandrina ny didin'Andriamanitra ka hohelohina."– HM, t. 617.
Sarotra tokoa ny fahitana ny fitrangan'ny toe-javatra tahaka izany, jereo ny fiovana haingana dia haingana miseho eto amin'izao tontolo izao. !norm no tokony hambaran'ireny fiovana ireny amintsika momba ny hiavian'ireo toe-javatry ny andro farany amin'ny fomba haingana eto amintsika?