"Moa tsy misy balsama va any Gileada? Moa tsy misy dokotera va any ? Koa nahoana no tsy tanteraka ny fanasitranana ny oloko zanakavavy?" - Jer. 8:22.
Mofon’aina:
Sedraina sy tsaraina ny tsirairay ankehitiny. Nato batisa tao amin'i Kristy isika, koa raha manao ny anjarantsika isika amin’ny fialana amin'izay zavatra rehetra mety handavo antsika (...), dia homena antsika ny hery hitomboana ao amin'i Kristy, Ilay lohan'ny tena, ary hahita ny fanavotan’Andriamanitra isika.
Rehefa mahatakatra mazava ny foto-kevitry ny fomba fiaina ara-pahasalamana isika vao hifoha tanteraka ka ho afaka hahita ny voka-dratsin"ny fomba fisakafo tsy araka ny tokony ho izy. Ireo izay manana herim-po hanova ny fahazarany rehefa avy nahita ny fahadisoany dia hahatsapa fa ny dingan’ ny fanavaozana dia mitaky tolona sy faharetana be; kanefa rehefa voaforona ao aminy ny fitiavana ny tsara, dia ho tsapan’izy ireo fa ny fihinanana ireo sakafo izay noheverin' izy ireo ho tsy mampaninona teo aloha dia tena fototry ny aretim-bavony sy aretina maro hafa.
Ry ray sy reny, miambena amin'ny fivavahana. Tandremo fatratra ny tsi-fahalalana onony amin'ny endriny rehetra. Ampianaro ny zanakareo ireo foto-kevitry ny tena fanavaozana ara-pivavahana. Ampianaro azy ireo izay zavatra tokony hofadiny mba hikolokoloany ny fahasalamany. Efa manomboka mihatra eo amin'ireo zanaky ny tsi-fankatoavana ny fahatezeran’ Andriamanitra. Mirongatra hatraiza hatraiza izao ny herisetra, ny heloka bevava sy ny fanao ratsy samihafa! (...)
Tokony hisy ezaka bebe kokoa hanabeazana ny vahoaka hahalala ny amin'ny foto-kevitry ny fanavaozana ara-pahasalamana. Tokony hatsangana ny sekoly fampianarana mahandro, tokony hampianarina isan-trano, mais fomba fahandroana sakafo mahasalama. Tokony hianatra fomba fahandro tsotra kokoa ny ray aman-dreny sy ny tanora. Na aiza na aiza itoriana ny fahamarinana dia tokony hampianarina ny olona ny fomba fahandro tsotra nefa tsara tsiro. Tokony haseho azy ireo fa azo atao ny mahandro sakafo be otrikaina kanefa tsy misy hena. (...)
llana fandanjalanjana sy fahendrena ny fikarakarana sakafo ara-pahasalamana (...). Ilaina ny finoana an'Andriamanitra, ny fahatapahan-kevitra hentitra hifanampy.
Ny fomba fisakafo tsy ampy ny otrikaina ilaina dia mitondra tsiny ho an'ny hafatry nyfanavaozana ara-pahasalamana. - RH, 3 Marsa 1910.