«Ary izao no fahasahiana ananantsika eo anatrehany: raha mangataka zavatra araka ny sitrapony isika, dia mihaino antsika Izy; ary raha fantatsika fa mihaino antsika Izy, na inona na inona no angatahintsika, dia fantatsika fa azontsika izay angatahintsika aminy.» - 1 Jao. 5:14,15.
Mofon’aina:
Rehefa mivavaka mangataka fitahiana ara-nofo ianao, dia tsarovy fa mety ho hitan'ny Tompo fa tsy hahasoa anao, na tsy hanome voninahitra Azy ny hanomezany anao izay tena irin'ny fonao. Kanefa hamaly ny vavakao izy, ka hanome izay tsara indrindra ho anao.
Rehefa nivavaka i Paoly mba hesorina ilay tsilo tamin'ny nofony, dia novalian'ny Tompo ny vavaka nataony, tsy tamin'ny fanesorana ilay tsilo, fa tamin'ny fanomezana fahasoavana hahazakany ilay fitsapana. «Ampy ho anao ny fahasoavako» hoy Izy. Faly i Paoly noho izany valim-bavaka izany ka hoy izy: «Koa mainka sitrako ny hirehareha amin ny fahalemeko, mba hitoeran'ny herin 'i Kristy amiko.» - 2 Kôr. 12:9. — ST, 18 Nôvambra 1903.
Ampahafantaro ny Mpanao anao ny fangatahanao. Izay manatona Azy am in' ny fo torotoro tsy mba hatosiny na oviana na oviana. Tsy misy fivavahana marina very. Ao anatin'ireo hira fiderana ataon'ny mpihiran'ny lanitra, dia ren'Andriamanitra ny fitcrainan'ny olombelona malemy indrindra. Raha mamboraka ny fanirian'ny fontsika ao amin'ny efitranontsika mangina isika, na manonona fivavahana isika raha mandeha any an-dalana, dia mahatakatra ny seza fiandrianan' ny Mpanjakan' izao rehetra izao ny tenintsika. Mety tsy ho ren'ny sofin'olombelona izany, nefa tsy ho faty momoka ao amin'ny fahanginana, na ho verivery foana ao anatin'ny tabataban'ny asa aman-draharaha. Tsy misy afaka hampangina ny fanirian'ny fanahy. Miakatra any ambonin'ny horakoraky ny arabe sy ny fifanjevoan'ny vahoaka marobe, ho any amin'ny lapan'ny lanitra izany. Andriamanitra no itenenantsika ka reny ny fivavahantsika. Ianao izay rnahatsiaro ho tsy mendrika indrindra, aza matahotra ny mametraka ny momba anao eo amin'Andriamanitra. — HF, tt. 146,147.
Misy hery lehibe ao amin'ny vavaka. Tsy sasatra i Satana, ilay fahavalontsika lehibe, manao izay hampanalavitra ny fanahy kivy amin'Andriamanitra; kanefa ny olo-masina tsotra sy manetry tena indrindra dia atahoran'i Satana lavitra noho ny didim-panjakana na ny baikon'ny mpanjaka. - ST, 27 Oktôbra 1881.