"Ny fitahian 'i Jehovah no mampanan-karena, Ary tsy azon'ny fisasarana ampiana izany."- Ohab. 10:22.
Mofon’aina:
Ny fifalian'ny Kristiana dia avy amin'ny fiheverana ireo fitahian-dehi be raisintsika amin'ny maha-zanak'Andriamanitra antsika. Ny fahazavana feno fifalian'ny saina sy ny tempolin'ny fanahy, noho ny fahazoana antoka fa mihavana amin'Andriamanitra isika, no fifaliana tsy arahin'alahelo. Toy izany koa ny fanantenantsika momba ny fiainana mandrakizay ao amin'i Kristy ary ny fahafinaretana amin'ny fitondrana fitahiana ho an'ny hafa.
Ireo izay mampanaram-po ny vazivazy sy ny fifaliana tsy misy antony avy amin'ny fanandramana ivelambelany sy maivan-danja, dia tsy manana fanorenana mafy sy marina ho an'ny fanantenana sy ny fifaliana ao amin'ny fitiavana an'Andriamanitra sy ny finoana ny fahamarinana. (...) Mandeha ny fotoana, antomotra ny farany, kanefa izy ireo tsy mba nametraka fototra tsara ho an'ny hoavy mba hahazoany ny fiainana mandrakizay. Tsy tokony hampirisika izany fifaliana izany isika, satria tsy ahafaha-mandinika izany, ary manorina fahazarana hanao resaka tsy misy antony, izay mampalahelo ny Fanahin'Andriamanitra no sady manakana antsika tsy hibanjina ny lanitra sy ny zavatra any ambony. (...)-L, 28, 1897.
Tsy izay manodidina antsika no tena mahasambatra antsika, fa izay ao anatintsika. Tsy izay ananantsika no mitondra fifaliana, fa ny maha-isika antsika. Aoka hisy afom-pifaliana eo amin'ny alitaran'ny fontsika, dia ho hitantsika fa mahafaly ny zavatra rehetra. Azontsika atao ny hanana ny fiadanan'i Kristy. (...) Raha mankato sy matoky an'Andriamanitra isika, toy ny ataon'ny zaza izay mora matoky ny ray aman-dreniny, dia hanana fiadanana —tsy toy ny fiadanana omen'izao tontolo izao izany, fa ilay fiadanana izay atolotr ' i Jesosy. (...) Betsaka ny hatsarana sy famirapiratana eto amin'izao fiainana izao raha toa isika manangona ireo voninkazo fa tsy mandray ireo tsilo sy zava-manindrona.- L, 27, 1886.
Raiso ho ao amin'ny fiainanao ny fifalian'ny lanitra. Ny fahazavan'ny lanitra, izay hita taratra amin'ny hatsaran-tarehiny eo amin'ireo izay miomana ny hafindra any an-danitra, no mitondra fifaliana ho an'ny ankohonan'Andriamanitra.- L, 131, 1904.