"Koa satria mandray fanjakana tsy azo ampihorohoroina isika, dia aoka isika hanana fahasoavana hoentintsika manao izay fanompoana sitrak'Andriamanitra amin'ny fanajana sy ny fahatahorana."- Heb. 12:28.
Mofon'Aina:
Marobe no mitonona ho mpanara-dia an' i Kristy kanefa tsy mampihatra ny Teniny. Tsy mankamamy ny Teniny izy ireo satria maneho fanompoana tsy mahafinaritra azy izany. Tsy tiany ny fananarana mahavonjy sy ny fiantsoana hentitra sy vokatry ny fo. Halany ny fahamarinana; ary fehezin'ny firehetam-po maha-olona sy feno haratsiana izy ka ampahorin'izany.
Zava-dehibe tokoa ny fomba anaovantsika fanompoana ho an'Andriamanitra. Ny tovolahy kely izay mahatsiaro ho mijaly eo am-pianarana ny lesony dia tsy ho tonga mpianatra tena izy na oviana na oviana. Ny lehilahy izay milaza ho mitandrina ny didin'Andriamanitra noho ny fiheverany fa tsy maintsy ataony izany dia tsy mba hiditra amin'ny fifalian'ny fankatoavana velively.
Ny fototra sy ny ivon'ny fankatoavanarehetradiany fampiharana ny fitsipika fray iainana ao anaty - ny fitiavana ny fahamarinana, ny fitiavana ny lalan'Andriamanita. Fahatokiana amin' ilay Mpanavotra antsika no fototry ny fahamarinana rehetra, ny fanaovana ny tsara satria izany no tokony hatao. Rehefa heverina ho enta-mavesatra ny Tenin'Andriamanitra noho izy mikasika mivantana ny fironan'ny olombelona, dia tsy fiainana kristianina izany ny fiainana ara-pivavahana fa fanerena sy fankatoavana an-tery ihany. Manjary voailika ny fahadiovana sy ny toe-panahy araka an'Andriamanitra ao anatin 'ny fivavahana.
Ny fandraisana ho isan'ny ankohonan'Andriamanitra anefa dia mahatonga antsika ho zanaka fa tsy andevo. Rehefa miditra ao am-po ny fitiavana an' i Kristy dia manao ny ezaka hanahafanany toetran' i Kristy isika. (…) Arakaraka ny andinihantsika momba ny fiainan'i Kristy amin'ny fo manaiky ampianarina no hanahafantsika Azy. Fahatakarana mazava no bitsihin'ny Fanahy Masina ao am-pon'ireo rehetra mpanatanteraka ny Teny. Arakaraka ny hanomboantsika amin'ny hazo fijaliana ireo fanao feno fitiavan-tena ka hizarantsika ireo fitahiana azontsika amin'ny hafa sy hampiasantsika ny fahaiza-manao omen'Andriamanitra no hampaherezana sy hampitomboana ny fahasoavan'ny lanitra ao anatintsika. Hitombo amin'ny fiainam-panahy isika, amin'ny faharetana, amin'ny herim-po, ary amin'ny fahamoram-panahy. (...) - TMK, t. 118.