"Fa izaho milaza ny marina aminareo: mahatsara anareo ny fialako; fa raha tsy hiala Aho, dia tsy ho avy aty aminareo ny Mpananatra,- fa raha handeha Aho, dia hirahiko ho ad, aminareo lzy." Jao. 16:7.
Mofon’aina:
Ny Mpananatra izay nampanan-tenain'i Kristy fa hirahiny aorian'ny hiakarany any an-danitra, dia ny Fanahin'Andriamanitra Telo Izay fray ao anatin'ny fahafenoany, izay hampiharihary ny herin'ny fahasoavan'Andriamanitra amin'ireo rehetra mandray sy mino an'i Kristy amin'ny maha-Mpamonjy ny tenany manokana Azy.
Na aiza na aiza misy ny mpanompon' Andriamanitra voahosotra, dia mitoetra eo anilany ny Fanahy Masina. Ny teny nambara tamin'ireo mpianatra dia ho antsika koa. (...)
Tsy misy Mpananatra tahaka an'i Kristy, Izay malemy fanahy sy marina. Mandona ny fony ny fahatsapana ny fahoriantsika. (...) Noho ny toe-java-mitranga dia mety ho tafasaraka amin'ny namantsika isika (...). Na dia mahatoky aza ny fitiavan'ireny namana ireny dia mety tsy ho afaka hanaporofo izany izy (...). Kanefa tsy misy toe-javatra na elanelana mahasaraka antsika amin'Ilay Mpananatra avy any an-danitra. Eo mandrakariva Izy na aiza na aiza misy antsika, na aiza na aiza alehantsika, Izy Ilay nomena ho solon'i Kristy, Ilay miasa eo amin'ny toerany. Eo ankavanantsika mandrakarika Izy, manao teny mamy manamaivana ny fahoriana, mampionona, manohana, mihazona, sy mampahery. Ny herin'ny Fanahy Masina dia ny fiainan' Kristy ao amin'ny fanahy. Miasa ao amin'izay rehetra mandray an'i Kristy sy amin'ny alalany ny Fanahy. Izay mahalala fa mitoetra ao anatiny ny Fanahy dia hitondra ny vokany — fitiavana, fifaliana, fiadanana, fahari-po, fahamoram-panahy, fanaovan-tsoa, fahamarinana.
Mitoetra mandrakariva ao amin'ireo izay mikatsaka ny fahatanterahan'ny toetra kristianina ny Fanahy Masina. Izy no manome fisainana madio, foto-kevitra velona sy miasa, izay manohana ireo fanahy mitolona sy mino, isaky ny tojo fotoan-tsarotra sy fakam-panahy izy ireo. Ny Fanahy Masina no manohana ny mpino eo anivon'ny fankahalan'izao tontolo izao, eo anatrehan'ny tsy fankasitrahan'ny havan-tiana, manoloana ny fahadisoam-panantenana, ao anatin'ny fahatsapana fa feno tsy fahatanterahana sy fahadisoana ny fiainany. Azo antoka ny fandresena ho an'izay miantehitra amin'ny fahadiovana tsy manam-paharoa sy ny fahatanterahan'i Kristy, sy mibanjina Ilay Tompo sy Mpanefa ny finoantsika. - GAG, t. 195.