"Fa lazaiko aminareo marina tokoa: Mandra-pahafoan'ny lanitra sy ny tany, dia tsy hisy ho foana akory amin'ny lalàna, na dia litera iray na tendron-tsoratra iray aza, mandra- pahatanterak ' izy rehetra."- Mat. 5:18.
Mofon’aina:
Raha vao nanomboka ny asany i Kristy dia nifanatrika taminy i atana ka nanohitra Azy isaky ny indray mandingana (.. . )Nahafaoka zavatra maro ity fifanandrinana ity. (...) Izao no fanontaniana napetraka mahakasika izany: "Moa ve ny lalàn'Andriamanitra tsy tonga lafatra, ary tokony hovana na hofoanana? Sa tsy miova ny lalàna? Moa ve marin-toerana ny fitondram-panjakan'Andriamanitra sa mila fanovana?" Tsy eo anatrehan'ireo monina ao amin'ny tanànan'Andriamanitra ihany no tokony hamaliana izany fanontaniana izany fa eo anoloan'ireo mponina rehetra any amin'ny tontolon'ny lanitra. (...)
Nanaraka ilay Zanak'Andriamanitra i Satana, nanomboka teo amin'ny fihinanam-bilona hatreny amin'ny hazo fijaliana. Tonga teo Aminy tahaka ny fifofofofon'ny rivotra ny fakam-panahy maro. Kanefa arakaraka ny nampivaivay ny fifanandrinana no nahalalany bebe kokoa ny amin'ireo fakam-panahy mamely ny olombelona sy nahatonga Azy ho voaomana tsara hamonjy izay alaim-panahy.
Mifandanja amin'ny tombabidin'ny zavatra ho azo na ho verin'i Kristy amin'ny fahombiazany na ny fahareseny ny hamafin'ny fizahan-toetra nolalovany.
(...) Ity tontolontsika ity no saha fiadiana, saingy izao tontolo izao rehetra izay noforonin'Andriamanitra no niharan'ny vokatry ny ady. (...) Notadiavin'i Satana izay hanehoana fa niady ho an'ny fahafahan'izao rehetra izao izy. Na dia tamin'ny fotoana naha-teo amin'ny hazo fijaliana an'i Kristy aza dia tsy nihemotra ilay fahavalo (...) mba handresen-dahatra ny rehetra fa lozabe ny lalàn'Andriamanitra. Izy (Satana) mihitsy no namolavola ny drafitra sy nanomana ny teti-dratsy rehetra ary nanetsika ny saina rehetra mba hitondra fahoriana ho an'i Kristy. Izy mihitsy no niampanga an'Ilay tsy nanao afa-tsy ny tsara. (...)
Tamin' izany rehetra izany no nanefen' i Satana ny gadra vy izay hamatorana azy ihany. Ny mponin'ny lanitra manontolo no hijoro ho vavolombelon'ny fahamarinan'Andriamanitra amin'ny famaliana azy. (...)
Tsy ao an-tsain'ireo zavaboary mety maty eto amin'ity tany ity ihany no ampitoerana ny tsy fiovaovan'ny lalàn' Andriamanitra fa ao an-tsain'ireo mponina rehetra any an-danitra koa. (...) Feo iray no anandratan'izy ireo an'Andriamanitra ho marina sy be indrafo, (...) ary mpanao ny rariny. - TDG, t. 14.