Miresaka manokana ny amin'ny lohahevitra momba ny fanompoan-tsampy i Paoly rehefa avy nanome ohatra momba ny fandavan-tena avy amin'ny fanandramana lainany manokana. Amin'ny heviny iray, manazava ny hevitra ao amin'ny 1 Kor. 9:27 ny 1 Kör. 10, izay ilazan'i Paoly fa veleziny mafy ny tenany mba tsy ho lavina izy. Tiany hanaraka ny ohatra asehony ny Korintianina, nefa i Jesôsy no modely faratampony (1 Kor. 11:1).
Hodinihina mandritra ny herinandro:1 Kor. 8; Asa. 15:20; 1 Kor. 9:1-6; 1 Kor. 10:5-22; Deo. 6:4, 5; Mar. 12:28-31.
Tsianjery
"Koa amin'izany, na mihinana na misotro hianareo, na inona na inona ataonareo, dia ataovy ho voninahitr’Andriamanitra izany rehetra izany." - 1 Kor. 10:31.
"Fananarana sy torohevitra", toko faha-29 ao amin'ny VM.
Mahaliana tokoa ny fitanisana ireo fahotana ao amin'ny 1 Kor. 5:10, 11 sy ny 1 Kor. 6:9, 10, izay mampifanindran-dalana ny fanompoan-tsampy sy ny fimamoana amin'ny fijangajangana. Ampahatsiahivin'i Paoly ao amin'ny 1 Kor. 10:7 (ampitahao amin'ny Eks. 32:1-6) fa ny andro firavoravoan'ny mpanompo sampy dia matetika no ahitana fihinanam-be sy fibobohana, izay nanokatra varavarana ho an'ny fijangajangana (1 Kor. 10:8).
Ao anatin'ny tontolon-kevitry ny fampitandremana momba ny fijangajangana no ilazan'i Paoly fa "tempolin'ny Fanahy Masina ny tenantsika " (1 Kor. 6:19). Ny maha-tempolin'ny Fanahy dia midika ho fananana fiainam-pahamasinana. Ny fiangonana dia fiarahamonina kristianina izay miavaka amin'ireo manodidina azy. Ny fanatrehan'ny Fanahy Masina no mahatanteraka izany.
Vakio ny 1 Kor. 6:19-7:9. Ahoana no anazavan'ireo andalan-teny ireo ny fomba hampiharana ilay didy hoe: "Mandosira ny fijangajangana"- 1 Kor. 6:18?
Tohizan'i Paoly ao amin'ny 1 Kor. 6:1-11 ny firesahany momba ny tokony hataon'ny Kristianina manoloana ny olana mahakasika ireo olona ao anatin'ny fiangonana.
Vakio ny 1 Kor. 5:3, 12, 13 sy ny 1 Kor. 6:1-13. Inona ny lesona ezahin'i Paoly hampitaina amin'Ireo Korintianina sy amintsika?
Sarotra mandrakariva ny miatrika ny olana mahakasika ny firaisana ara-nofo. Sarotra izany ho an'i Paoly, ary sarotra ho antsika koa. Ao anatin'ny toe-javatra tahaka izany, dia tokony ho mahatoky amin'ny Soratra Masina isika ka hiresaka momba ny toe-javatra amim-pivavahana sy amim-pitiavana. Aoka hotsaroantsika mandrakariva fa fanarenana no tanjontsika.
Vakio indray ny 1 Kor. 5:1-13. Ahoana no nilazan'i Paoly tamin'izy ireo mba hamaha ny olana tao anatin'izany toe-javatra izany?
