June 2024

FOTOAN-TSAROTRA HO AVY

Ny faminaniana momba ny mariky ny bibidia ao amin'ny Apôk. 13 dia milaza amintsika ny sehatra mivaivay sy ratsy indrindra misy ny ady ifanaovan'i Satana amin'Andriamanitra. Hatramin'ny nahafatesan'i Jesôsy teo amin'ny hazo fijaliana dia fantatr'ilay fahavalo fa resy izy saingy tapa-kevitra izy ny hisarika olona maro araka izay azo atao hiaraka aminy amin'ny fianjerany. Ny famitahana no paikadiny voalohany amin'izany fitaomana izany. Rehefa tsy mandaitra ny famitahana dia mampiasa hery izy.

NY FIFANANDRINANA FARANY AO AMIN'NY APOKALIPSY

Ny hafatra ao amin'ny bokin'ny Apôkalipsy dia mihoatra lavitra noho ny tandindona saro-pantarina sy ny biby hafahafa na koa ny sarin-javatra tsy fahita. Miresaka ny amin'ny fahamarinana mandrakizay nomen'llay Andriamanitra be fitiavana ho an'ny taranaka velona amin'ny andro farany izany. Tarry an-danitra no nanomboka ny ady teo amin'i Kristy sy i Satana, izay momba ny fiankohofana. Ho tonga amin'ny fetra farany mahakasika ny fiankohofana izany.

Teny mamy sy feno fanajana

 "Jehovah Tompo nanome Ahy ny lelan'ny efa mahay, mba hahaizako manao teny hampahatanjaka izay reraka; ampandrenesiny isa-maraina isa-maraina, . eny, ampandrenesiny ny sofiko hihaino tahaka ny efa mahay. " - Isa. 50:4. 

Kristy, mameno ny fisainantsika manontolo 

"Diniho aho, Andriamanitra ô, ary fantaro ny foko; izahao toetra aho, ary fantaro ny eritreritro. Ary izahao na misy làlana mampahory ato anatiko, dia tariho amin'ny làlana mandrakizay aho." - Sal. 139:23,24. 

Fanabeazana ambony indrindra

"Sambatra izay olona mahita fahendrena sy izay olona mahazo fahalalana." - Ohab. 3:13.

Mofon'aina:
Ny fahatahorana an'i Jehôvah no fiandoham-pahendrena, ary ny olona manaiky hovolavolaina sy hotefena araka ny endrik'Andriamanitra no mendrika indrindra amin'ny asan'ny tanan'Andriamanitra. (...)

Ohatra ho antsika amin'ny fankatoavana

"Fa ho amin'izany no niantsoana anareo; fa Kristy aza efa nijaly hamonjy anareo ka namela fianarana ho anareo, mba hanarahanareo ny diany; 'Izay tsy nanota akory, sady tsy nisy fitaka teo am-bavany. - 1 Pet. 2:21,22. 

Finoana miasa

"Ary mba ho hita ao aminy aho tsy manana ny fahamarinako, izay avy amin'ny lalàna, fa izay avy amin'ny finoana an 'i Kristy, dia ny fahamarinan 'Andriamanitra amin'ny finoana." - Fil. 3:9.

Ny asan'ny finoana

"Ary ny finoana no fahatokiana ny amin'ny zavatra antenaina, fanehoana ny zavatra tsy hita." — Heb. 11:1. 

Mofon'aina:
Tsy ny finoana no fototry ny famonjena antsika, kanefa fitahiana lehibe kosa izy - maso mahita, sofina mandre, tongotra mamindra, ary tanana mihazona. Fitaovana ny finoana fa tsy tanjona farany. Raha nanolotra ny ainy ho famonjena ny mpanota i Kristy, nahoana moa aho no tsy handray izany fitahiana izany? Ny finoako no mihazona izany, ary amin'izany ny finoako no fahatokiako ny amin'ny zavatra antenaiko, fanehoana ny zavatra tsy hita. (...)