May 2025

Lesona 8: AO AMIN'NY SALAMO: FIZARANA 1 - Salamo 5.

Vakio ny Sal. 5. Asehon'i Davida ao amin'io asa sorany io ny fahasamihafana lehibe eo amin'ireo izay very sy ireo voavotra. Ampitahao amin'ny fomba fiteny ampiasaina ao amin'ny Apôk . 14:1-12 io Salamo io. Inona ny fitoviana hitanao ao, ary ahoana no hanampian'izany anao hahatakatra ny hevitr'izany hoe ao anatin'ny fihetsehan'ny vahoakan'Andriamanitra sisa amin'ny andro farany?

Lesona 8: AO AMIN'NY SALAMO: FIZARANA 1 - Ny làlana ao am-pontsika.

Manana anarana voasoratra eo amin'ny handriny ireo sisa izay niangona teo an-tendrombohitra Ziona: ny anaran'ny Ray sy ny anaran'ny Zanak'ondry (tsy azo heverina ny ahitana anarana roa samy hafa eo satria maneho an'Andriamanitra Ray i Jesôsy !). Mihoatra noho ny anarana tsotra ifampiantsoan'ny olona ny "anarana" ao amin'ny Soratra Masina; maneho toetra izany. Hatramin'izao andro izao, dia maro ny kolontsaina mbola milaza fa "tsara anarana" ny olona iray izay heverin'ny olona fa manana toetra ambony sy tsara.

Lesona 8: AO AMIN'NY SALAMO: FIZARANA 1 - Eo an-tendrombohitra Ziona.

Hitantsika ao amin'ny Apôk. 14 ireo vahoakan' Andriamanitra mitsangana eo an-tendrombohitra Ziona. Teo andrefan'ny tananan'i Jerosalema fahiny no nisy ny tendrombohitr'i Ziona tany am-boalohany ary noheverina fa teo no nitoeran'ny seza fiandrianan'Andriamanitra na ny fanatrehany teo anivon'ny vahoakany. Taty aoriana, dia nantsoina koa hoe Ziona ny tendrombohitra nisy ny tempoly, izay teo an-tendrombohitra Moria.

Lesona 8: AO AMIN'NY SALAMO: FIZARANA 1 - Ilay Mpisoronabentsika

Tsy izay rafitra tian'i Mosesy no nasaina nataony raha nampiandraiketina ny fanorenana ny tabernakely izy, nanome azy mari-drafitra harahina Andriamanitra. "Ary tandremo mba hataonao araka ny endriny izay naseho taminao tao an-tendrombohitra izy." - Eks. 25:40. Hitantsika ao amin'ny bokin'ny Hebreo fa ny fitoerana masina izay any an-danitra no modelin'izany.

Vakio ao amin'ny Heb. 9:11-15 ny momba an'i Kristy izay Mpisoronabentsika ao amin'ny fitoerana masina any an-danitra. Inona no ampianarin'izany momba izay ataony ho antsika?

Lesona 8: AO AMIN'NY SALAMO: FIZARANA 1 - Fampidirana

Hodinihina mandritra ny herinandro: Heb. 9:11-15; Sal. 122; Sal. 15; Sal. 24; Eks. 33:18-23; Sal. 5; Sal. 51:7-15.

Tsianjery:

"Ary hitako fa, indro, ny Zanak'ondry nitsangana teo an-tendrombohitra Ziona, ary nisy efatra arivo amby efatra alina sy iray hetsy nomba Azy, samy manana ny anarany sy ny anaran'ny Rainy voasoratra eo amin'ny handriny." - Apôk. 14:1

Ny famelezan’i Satana

" Koa foana ny ivavahan’ireo amiko, raha mampianatra ny didin’olombelona ho fampianarana izy. " Mat. 15:9. 

Mofon’aina :     

Fahagagana telo sosona

"Ary ny Zanak’Isiraely nihinana mana mandritra ny efa-polo taona mandra-pahatongany tany amin’izay tany misy monina: eny, mana no nohaniny mandra-pahatongany tany amin’ny sisin’ny tany Kanana."

Mofon’aina:
Isan-kerinandro dia nahita maso fahagagana telo sosona natao hitadidiana ny fahamasinan’ny andro fitsaharana ny Zanak’Isiraely. Ary nony tamin’ny andro fahenina dia nilatsaka avo sasaka ny mana; ary nony tamin’ny andro fahafito dia tsy nisy nilatsaka ary izay nangonina tamin’io andro io dia tsy mba simba, fa izay nangonina tamin’ny andro hafa kosa simba.

Tahaka an'i Jesôsy fa tsy tahaka an'izao tontolo izao

 "Aoka tsy hisy vato mahery sy reraka ao an-kitaponao. Aoka tsy hisy famarana mihoatra sy latsaka ao an-tranonao." - Deo. 25:13,14.

Mofon’aina:
Tokony hikolokolo firaisam-po sy fitiavana ho an'ny hafa ireo   izay milaza fa tia sy matahotra an'Andriamanitra, ary tokony hihevitra ny tombontsoan'ny hafa toy ny an'ny tenany. Tsy tokony hitondra tena araka ny fitsipik'izao tontolo izao ny Kristianina. Niavaka tamin'izao tontolo izao ny vahoakan'Andriamanitra nandritra ny vanim-potoana rehetra, noho ny fiantsoana azy ireo ambony kokoa noho ny an'ny tsy mpino.

Fitsaharana amin'ny Sabata sy fifaliana mandrakizay

 «Ary isaky ny voaloham-bolana sy isan-tsabata; Dia ho avy ny nofo rehetra hiankohoka eo anatrehako, hoy Jehovah.» - Isa. 66:23.

Mofon’aina:
Tonga tao amin'ny fitsaharana i Jesosy nony farany. Tapitra ilay   andro lavabe feno fahafaham-baraka sy fampahoriana. Nandry fahizay tao am-pasan'i Josefa Ilay Zanak'Andriamanitra tamin'ny fotoana nanondroan'ny tanamasoandro milentika fa tonga ny Sabata. Feno sy tanteraka ny asany; ny tenany mikambana (teo amin'ny tratrany) tamim-piadanana, raha nitsahatra nandritra ireo ora masin'ny andro Sabata Izy.