"Fa Sabatan'i Jehôvah Andriamanitrao ny andro, fahafito; koa aza manao raharaha akory hianao amin'izany, na ny zanakao-lahy, na ny zanakao-vavy, na ny ankizilahinao, na ny ankizivavinao, na ny ombinao, na ny borikinao, na ny biby fiompinao rehetra, na ny vahininao izay tafiditra eo am-bavahadinao; mba hitsaharan'ny ankizilahinao sy ny ankizivavinao tahaka anao koa." - Deo. 5:14
"Koa aoka ho fantatrao fa Jehôvah Andriamanitrao ihany no Andriamanitra, dia Andriamanitra mahatoky, Izay mitandrina fanekena sy famindrampo amin'izay tia Azy sy mitandrina ny didiny, hatramin'ny taranaka arivo mandimby." - Deo. 7:9.
«Matahora an 'Andriamanitra, ka omeo voninahitra Izy; fa tonga ny andro fitsarany; ary miankohofa eo anoloan 'izay nanao ny lanitra sy ny tany sy ny ranomasina ary ny loharano.» «Indro ny faharetan 'ny olona masina, dia izay mitandrina ny didin 'Andriamanitra sy ny finoana an 'i Jesosy.» - Apôk. 14:7,12.
"An'i Jehovah Andriamanitsika ny zava-miafina; fa antsika sy ny zanatsika mandrakizay kosa ny zavatra ambara, hankatoavantsika ny teny rehetra amin' ity lalàna ity." - Deo. 29:28.
"Ary hoy Jesôsy tamin'ireo: Manontany anareo Aho: Moa ny manao soa va no mety hatao amin'ny Sabata, sa ny manao ratsy? ny mamonjy aina va, sa ny mahavery aina?" - Lio. 6:9.
"Ary ny hafa firenena izay efa manaiky ho an 'i Jehôvah mba hanompo Azy sy ho tia ny anaran'i Jehôvah mba ho mpanompony dia izay rehetra mitandrina ny Sabata ka tsy manao azy ho tsy masina sady mitana ny fanekeko, dia ho entiko ho any an-tendrombohitro masina." - Isa. 56:6,7a.
