October 2026

 "(...) Fa izahay dia natao ho fizahan'izao rehetra izao, na anjely na olona." - 1 Kôr 4:9. 

Mofon'aina:
Fanirian' Andriamanitra ny hanehoan' ny zanany am in' izao tontolo izao ny hevitry ny hoe «niara-napetraka any an-danitra ao amin'i Kristy Jesosy, mba hasehony amin'ny andro ho avy ny haben>ny haren>ny fahasoavany amin>ny fahamoram-pariahiny amintsika ao amin'i Kristy Jesosy» Efes. 2:6,7. Izany fahamoram-panahy izany no antenainy ho hita eo amin'ny fifandraisantsika samy isika. (...)

"Eny, izaho, izay kely noho ny kely indrindra amin'ny olona masina rehetra, no nomena izao fahasoavana izao, dia ny hitory amin'ny jentilisa ny haren'i Kristy tsy hita lany." - Efes. 3:8.

"Ary Jesosy niteny tamin'ny olona indray ka nano hoe: 'Izaho no fahazavan 'izao tontolo izao; izay manaraka Ahy tsy mba handeha amin'ny maizina, fa hanana ny fahazavan 'aina. " " - Jao. 8:12.

"Izaho dia Izaho ihany no Jehovah ary tsy misy Mpamonjy afa-tsy Izaho. (...) Dia hianareo no vavolombeloko, hoy Jehovah, ary Izaho no Andriamanitra." - Isa. 43:11,12.

Mofon'aina;
Hoy ny Tompo amin'ireo mpanara-dia Azy marina: "Izao olona noforoniko ho Ahy izao no hanambara ny fiderana Ahy." — and. 21. Izy ireo no vavolombeloko, nofidiko hisolo tena Ahy eo amin'izao tontolo izao mpikomy. (...)

"Koa mandehana hianareo, dia ataovy mpianatra ny firenena rehetra, manao batisa azy ho amin'ny anaran'ny Ray sy ny Zanaka ary ny Fanahy Masina sady mampianatra azy hitandrina izay rehetra nandidiako anareo." - Mat. 28:19,20.

Mofon'aina;
Ny asa farany nataon'i Kristy talohan'ny nialany teto an-tany dia ny naniraka ireo ambasadaorony handeha ho any amin'izao tontolo izao hitory ny fahamarinany. Ny teniny farany dia natao hamantsika ao an-tsain)ny mpianatra fa nankinina tamin'izy ireo ny hitondra ny hafatry ny lanitra amin'izao tontolo izao. (...)

"Mba ho tsy manan-tsiny sady tsy misy fitaka hianareo, dia zanak 'Andriamanitra tsy manana adidy eo amin'ny firenena meloka sy maditra, izay isehoanareo tahaka ny fanazavana eo amin'izao tontolo izao." - Fil. 2:15.

"Aoka hazava eo imason'ny olona toy izany koa ny fahazavanareo, mba hahitany ny asa soa ataonareo ka hankalazany ny Rainareo Izay any an-danitra." - Mat. 5:16.

"Mitsangana, mihazavà , fa tonga ny fahazavanao, ary ny voninahitr 'i Jehôvah efa miposaka aminao." - Isa. 60:1. 

Mofon'aina:

Ny Advantista Mitandrina ny Andro Fahafito dia napetraka manokana teto amin'izao tontolo izao ho mpiambina sy mpitondra fahazavana. Izy ireo no nanankinana ny hafa-pamindrampo fararty ho an' izao tontolo izao eo an-dalam-pahaverezana. Misy fahazavana mahagaga avy amin'ny Tenin'Andriamanitra mamirapiratra eo aminy. Koa tokony ho karazan'olona manao ahoana re izy ireo e? (...) 

"Fa, indro, ny aizina manarona ny tany, ary ny aizim-pito manarona ny firenena; fa aminao kosa no iposahan Jehovah, ary aminao no isehoan'ny voninahiny. " - Isa. 60:2. 

 "Izaho tsy mangataka aminao mba hampiala azy amin'izao tontolo izao, fa ny hiaro azy amin’ny ratsy." Jao. 17:15.

Mofon’aina :