Vakio ny Sal. 84:1-4, Nahoana ny mpanao Salamo no maniry fatratra hitoetra ao amin'ny fitoerana masina?
"Manina" sy “vonton’alahelo” ny fitoerana masina ilay mpanao Salamo; iriny ny hitoetra ka tsy hiala ao mba hanakaikezany an’Andriamanitra mandrakariva (Sal. 84:1,2). Ny fanatrehan’Andriamanitra velona no mahatonga ny fitoerana masina ho toerana miavaka (Sal. 84:2).Ao amin'ny fitoerana masina, dia azon'ny mpivavaka atao ny “hahita ny hatsaran’i Jehovah’ (Sal. 27:4, DIEM; jereo koa ny Sal. 63:2) ary koa ny “ho voky ny zava-tsoa ao amin'ny tranonao’ - Sal. 65:4. ‘Ao amin'ny Sal. 84, dia fifaliana tsy misy toa izany no azo amin’ny fifandraisana amin’Andriamanitra, dia amin'ny fiderana Azy (Sal. 84:4) sy amin’ny fahazoana hery ao Aminy (Sal. 84:5) ary amin’ny fitokiana Aminy (Sal. 84:12). Ny fitoerana masina no toerana amelombelomana ny fifandraisana tahaka izany amin'ny alalan'ny fiankohofana sy ny firahalahian'ny mpino. Ny fanatrehan’Andriamanitra velona ao amin'ny fitoerana masina no ahitana taratra ny fanjakany be voninahitra sy fanandramana sahady ny fiainana mandrakizay.
Vakio ny Sal. 84:5-12. Iza koa no mahazo fitahiana avy amin'ny fitoerana masina?
Voalaza fa mamirapiratra avy ao amin'ny fitoerana masina ny fitahian’ ‘Andriamanitra, ary ireo izay manompo ao amin'ny fitoerana masina no androtsahana izany voalohany indrindra (Sal. 84:4); aorian'izy ireo dia ny mpivahiny hankao amin'ny fitoerana masina (Sal. 84:5-10) ary amin'ny farany dia mahatratra any amin'ny faran'ny tany izany. Mampatanjaka ny finoan‘ireo mpivahiny ny fanantenana ny fihaonana amin’Andriamanitra ao amin'ny fitoerana masina (Sal. 84:7). Mihena ny herin’ny mpivahiny tsotra rehefa vesaran'ny dia lavitra mandreraka, fa ny mpivahiny hankany amin’ny fitoerana masina kosa dia mitombo hery arakaraka ny anakaikezany ny fitoerana masina.
Na dia nesorina tsy ho ao amin’ny fitoerana masina aza ny tenan'ny zanak’ ‘Andriamanitra dia mbola mitondra ny mariky ny fitoerana masin’Andriamanitra hatrany izy ireo amin’ny fananana fiainana mendrika (Sal. 84:11), izay toetra mampiavaka ny marina miditra ao amin'ny tabernakelin'i Jehévah (Sal. 15:1,2). ‘Antsoina hoe “Masoandro” i Jehévah; maneho izany fa ny fitahiana avy ao amin'ny fitoerana masina, tahaka ny tara-masoandro, dia mipaka hatrany amin'ny faran’ny tany (Sal. 84:11). Araka izany, ireo izay mitoetra eo amin’ Jehévah amin'ny alalan'ny finoana dia mandray ny fahasoavany, na aiza na aiza toerana misy azy ireo.
Vakio ny Apok. Inona ny fanantenana hita taratra teo amin'ny fitoerana masina teto an-tany izay ambara amintsika eto? Ahoana no ahazoanisika sary an-tsaina ankehitriny ny ho toetr'izany fanandramana izany?