Vakio ny Apok. 21:1-4 sy ny Apok. 21:22--22:5. Inona ny toe- javatra voatantara eto?
Ho paradisa manao ahoana re ny tany vaovao! Tsy hisy fahafatesana sy ota intsony, ary ho ringana i Satana sy ny faharatsiana. Ho hitantsika ny Mpanavotra antsika be fitiavana ary ho tafakambana amin'ireo malalantsika indray isika. Ary ny olona avy amin'ny fokom-pirenena sy ny samihafa fiteny rehetra no ho mponina ao amin'ilay tany vaovao.
Ny kômitin'ny asa maneran-tany any amin'ny foibe dia nanaiky ny hampiasana fandrefesana ny asa maneran-tany, izay hamantarana raha toa efa nitoriana ny hafatra na tsia ny vondron'olona iray. Ny "vondron'olona nandre ny hafatra" dia vondron'olona ahitana antontan'isa ampy sy fitaovana mahomby hahafahana mijoro ho vavolombelona eo amin'ireo izay tsy ao anatiny kanefa tsy mila fanampiana avy aty ivelany; manao fanompoam-pivavahana izy ireo, manana Baiboly ary andalan- teny hafa amin'ny fiteniny; ary misy tompon'andraikitry ny flangonana avy co an-toerana afaka mijoro ho vavolombelona ny amin'ireo olona ambiny amin'ny fiarahamonina kanefa tsy mila mpandika teny.
Ny "vondron'olona tsy mbola nandre ny fahamarinana" dia vondrona iray izay tsy ahitana mpino advantista (na vitsy loatra) ary tsy manana fitaovana mahomby hahafahana manao fijoroana ho vavolombelona amin'ireo olona ao aminy ka tsy ilany fanampiana avy amin'ny kolontsaina ivelan'ny azy.
Ny fiangonana eo an-toerana tsirairay sy ny federasiona tsirairay no tokony hamaritra ny vondron'olona mila tratrarina ao amin'ny fiarahamonina misy azy. Izao no fotoana mety hanaovana ny irak'Andriamanitra amin'ny fanaovana ny vondron'olona rehetra ho mpianatra, amin'ny fanafainganana ny fiverenan'ilay Mpamonjintsika ka hiara-monina amin'izy ireo any amin'ilay lanitra vaovao sy tany vaovao izay ampanantenaina eto isika.
Fanamby: Ahoana no hanafaingananao ny fiverenenan'i Kristy? Mamboly voan'ny fanantenana ao am-pon'ireo izay mila mandre ny vaovao mahafaly ve ianao? Tondrahanao ve ireo mpino vaovao, amin'ny fanampiana azy ireo hahatakatra ny hevitry ny hoe miaina flainana feno fankatoavana an'i Kristy? Mivavaha mba hahita hirika hiresahana ny amin'ny fampanantenana ny lanitra vaovao amin'ireo olona ao anatin'ny lisitry ny vavaka ataonao isan'andro.
Manaova fihaikana: vonona ny handray an'i Kristy ny sasany amin'ireo "mpianatrao". Izany hoe vonona ny hankany am-piangonana na hanatona vondrona mpino. Mipetraha eo amin'ny toerana misy azy ary alaivo sary an-tsaina fandehananao any am-piangonana voalohany indrindra. Fanandramana manao ahoana no hiainany?
Ahoana ny fahavononan'ny fiangonanao handray olona vaovao sy hanao azy ireo ho mpianatra? Misokatra ho amin'ny fananganana vondron'ny mpino vaovao ve ianao fa tsy amin'ny fanorenana ny fiangonanao izay efa misy ihany? Manangana paikady hanarenana ireo tsy fahombiazana. Zarao amin'ny mpitarika ny fiangonanao ny hevitrao ary miaraha miasa amin'izy ireo amin'ny fampandehanana drafitra hahatonga ny fiangonana hanao mpianatra an-tsitrapo kokoa.