"Tamin 'izany ny olonao masina dia nilazanao tamin 'ny fahitana hoe: Nametraka famonjena tamin 'izay mahery Aho." - Sal. 89:19.
Mofon’aina:
Tia anao ny Tompo, ary mangoraka anao. Izao no teny fikasany: "Manatôna an' Andriamanitra, dia hanatona anareo Izy" - Jak. 4:8. Rehefa manatona amin'ny fanaton'ny tondra-drano ny fahavalo,. dia hanangana fefy hiarovana anao ny Fanahin'i Jehôvah. Tsarovy fa i Jesôsy Kristy no fanantenanao. Izao no lazain'i Kristy eo anatrehan'ny toe-javatra mampalahelo sy mahakivy izay mianjady aminao amin'ny fotoana rehetra: "(...) aoka hifikitra amin 'ny heriko kosa izy ka hihavana Amiko." - Isa. 27:5.
Ny anjaranao dia ny mifikitra amin'ilay hery izay mafy orina tahaka ny seza fiandrianana mandrakizay. Minoa an'Andriamanitra ary matokia Azy. Mifalia ao anatin'ny toe-javatra rehetra. Mety ho tojo fitsapana ianao, kanefa fantaro fa efa niaritra toe-javatra mampahory ho an' nylov any i Kristy. Tsy misy malala eo imason'Andriamanitra tahaka ny fiangonany. Mijery ny fo Andriamanitra, ary fantany izay Azy. Hizaha toetra ny fanahy rehetra Izy. "Mao no hodiovina sy hofotsiana ary hozahan-toetra; fa ny ratsy fanahy kosa mbola hanao ratsy ihany, ary tsy hisy amin 'ny ratsy fanahy hahafantatra, fa ny hendry no hahafantatra." - Dan. 12:10.
Aoka izay tia an'Andriamanitra sy mpanatanteraka ny Teniny hanao hira fiderana sy fisaorana fa tsy hanao teny miampanga na mitady ny hadisoan'ny hafa na koa mimonomonona. Hitahy izay mitady fihavanana Andriamanitra. ( • • -)
Matokia an'i Jehôvah. Aza avela hanakivy anao ny fihetsehampon'ny olombelona sy ny teniny ary ny toetrany. (...) Banjino hatrany i Jesôsy ilay Herinao. Hanjary hovana ho amin'ny fanahafana Azy ianao rehefa mibanjina Azy. Izy no ho fahasalaman'ny endrikao sy Andriamanitrao. (...)
Mila anao ny fiangonana, ary ilainao ny hanalefaka sy hampilefitra ny fihetsehamponao noho ny amin'i Kristy. Tiany mantsy raha manamboatra anao ny Fanahiny Masina. Amin'izany no hahafahanao mizara fiainana sy fampaherezana ho an'ny fiangonana. Aoka ny teninao ho voafantina tsara mba hahatonga anao ho tena fitahiana ho an'ny fiangonana. Aza mampalahelo ny fanahinao amin'ny fivadibadihan'ny hafa. Raiso an-tanana ny fiainanao, ary aoka ianao ho mahatoky amin'ny zavatra rehetra. - TDG, t. 245.