"Aoka hiezaka hahalala an'i Jehovah isika; mahatoky toy ny maraina ny fiposahany." - Hôs. 6:3
Momon’aina:
Velona eo anivon' ireo lozamiseho amin'ny andro farany isika ka tokony hanadio ny tenantsika ho afaka amin'ny fahalotoana rehetra ary hanao ny akanjom-pahamarinan'i Kristy. (...) Tokony hitondra ny amintsika hilefitra amin'i Kristy isika, ny tenantsika, ny fanahintsika ary ny toe-tsaintsika. Raha tsy manao izany isika dia hotandindomin-doza ny fahasalaman'ny tenantsika sy ny fanahintsika.
Irin'Andriamanitra ny hahazoan'ny mpiasany isan'andro fahatakarana ny fomba fisainana ara-lôjika izay mampifandrayny anton-j avatra am in' ny vokany, ka hahatonga azy ho tonga amin'ny fehin-kevitra feno fahendrena sy azo antoka. (...) Aoka isika hipetraka eo an-tongotr'i Kristy tahaka ny zaza madinika, ka hianatra Aminy ny fomba fiasa mampahomby. Aoka isika hangataka amin'Andriamanitra mba homeny fahaiza-mandanjalanja amim-pahendrena, ary koa fahazavana mba hozaraina amin'ny hafa. Ilaina ny fahalalana vokatry ny fanandramana. Tsy tokony hamela ny andro iray handalo fotsiny isika ka tsy hahazo fahalalana fanampiny mahakasika ny zavatry ny tany sy ny zava-panahy. (...)
Ny fifaranan'ny andro tsirairay dia tokony ho dingana iray hampanakaiky amin'ny valisoan'ny mpandresy. (...) Rehefa mijery an'i Jesôsy isan'andro isika fa tsy izay zava-bitantsika, dia hanao dingam-pandrosoana eo amin'ny fahalalana eto an-tany sy ara-panahy.
Efa antomotra ny faran'ny zavatra rehetra. Tsy tokony hahatonga antsika hiato amin'ny asa ny zavatra efa vitantsika. Hoy Ilay Kapitenin'ny famonjena antsika: "Mandrosoa. Avy ny alina, ka tsy mahazo miasa ny olona." (...) Tokony ho eo ambanin'ny herin'i Kristy mandrakariva ny fiainantsika, ary tokony havela hirehitra sy hazava ny fanalantsika.
Fitaovana hahazoana fahombiazana izay nomen'ny lanitra antsika ny vavaka. (...) Ny hery izay azo ho setrin'ny fivavahana no hahatonga ny olona ho hendry araka ny fahendren'ny lanitra, ary izany no hahafahany hiasa ao amin'ny firaisana amin'ny Fanahy, izay akamban'ny fatoram-pihavanana. (...)
Izaymametrakanytenany eo amin'ny toerana hahafahan'Andriamanitra manazava azy dia mandroso, toy ny miasa ao amin'ny hazavana somambisambin'ny maraina ho amin'ny famirapiratana fenon'ny mitataovovonana. - RC, t. 159.