"Dia hoy indray Izy: Inty Aho tonga hanao ny sitraponao." - Heb. 10:9
Mofon’aina:
Afmbony lavitra noho ny ahamendrehan'ireo mpisorona y mpanapaka ny fahame-ndrehan' i Kristy amin'ny maha-Mpampianatra avy any an-danitra Azy. Niavaka tamin'ny fisehosehoana araka izao tontolo izao rehetra izany (...). Nidina avy teo amin'ny toerana ambony maha-Kômandy Azy Izy hitondra hery ho an'ny olombelona mba hahatongavan'izy ireo ho zanak' Andriamanitra (…). Azony natao ny nitondra anjely an'arivony maro niaraka taminy mba hanampy Azy amin'ny asa fanavotana ny taranak'olombelona.
Tsy nitoetra tamin'ny trano feno harena Izy, na ny lapan'ny mpanjaka, (...) fa naleony nifidy an'i Nazareta, tanàna feno haizina sy natao tsinontsinona, ho fonenany. Fiainana feno fahantrana sy fanetren-tena no niainany, hatramin'ny voalohany ka hatramin'ny farany. (...)
Tsy nisy mpampianatra nanome voninahitra ny olombelona tahaka izay nataon'i Jesôsy Kristy Tompontsika. Fantatra tamin'ny maha-Sakaizan'ny mpamory hetra sy ny mpanota Azy Izy. Nifangaro tamin'ny saranga rehetra Izy, ary namafy fahamarinana teto amin'izao tontolo izao. (...) Sakaizan'ny olona rehetra Izy. Moa ve tsy nivoady ny hitondra fiainana sy fahazavana ho an' izay rehetra handray Azy Izy? Moa ve tsy nianiana ny hanome hery azy ireo Izy mba hahatongavan'izy ireo ho zanak'Andriamanitra? Nanolotra ny Ainy manontolo ho amin'ny asa famonjem-panahy Izy (...)
Fahafoizany ny fiainany manontolo ny fanandramana isan' andro raha "nandehandeha nanan soa" Izy. Fomba tokana ihany no nanohana izany fiainana izany. Niankina tamin'Andriamanitra i Jesôsy ary niray Taminy. Ao amin'ny fierena izay an'ny Avo Indrindra, eo ambanin'ny aloky ny Tsitoha no ankanesan'ny olona, ankehitriny sy taloha; mitoetra ao izy (... ) ka asa mendrika no vokatr 'izany; mihaosa ihany anefa ny finoana, tapaka ny firaisana ary voapentina ny asa atao. Ny fiainan'i Kristy kosa dia fitokiana tsy miovaova, izay tohanan'ny firaisana mitohy; ary tsy misy hokianina (...) ny fanompoany ny lanitra sy ny tany. Amin'ny maha-Olona Azy no nitalahoany ny seza fiandrianan' Andriamanitra, mandra-pahatonga ny maha-Olona Azy ho voafahan' ny heryavy any an-danitra izay nampifandray ny maha-Andriamanitra sy ny maha-olona. Nandray fiainana avy tamin'Andriamanitra Izy ary mizara izany amin'ny olona. - RC, t. 228