"Fa katsaho aloha ny fanjakany sy ny fahamarinany, dia hanampy ho anareo izany rehetra izany." - Mat. 6:33.
Mofon’aina:
Eo ankavia sy ankavanana dia misy maka fanahy ny Kristianina mba hialany amin'ny lalan-tery, nefa ireo izay te hanefy ny toetrany ho mendrika ny mandrakizay dia tsy maintsy mandray ny sitrapon'Andriamanitra ho fenitra tokony hotratrariny ka mihataka tanteraka amin'izay rehetra tsy Sitrany. An'arivony maro no voatarika hanota noho ny famelany ny mandan'ny fony tsy ho voambina. ( ...) Mihazakazaka ho amin'ny fiantoham-barotra izy ireo mba hanangonana haren'ny tany bebe kokoa. Amin'izany no ipetrahany eo amin'ny toerana tsy hahitany fandrosoana eo amin'ny fiainana maha-Kristianina. "(...) koa hendre ka mahonema tena ho am in 'ny fivavahana." - 1 Pet. 4:7b. (...)
"Aza tia izao tontolo izao, na izay zavatra eo amin'izao tontolo izao. Raha misy olona tia izao tontolo izao dia tsy ao anatiny ny fitiavana ny Ray." - 1 Jao. 2:15. (...) Etsy ankilan'izany, dia tokony hankatò izao fitsipika izao isika: "Mazotoa, fa aza malaina" - Rôm. 12:11 a. Asaina miasa isika mba hahafahantsika manome ho an'ny sahirana. Tsy irin'Andriamanitra ny hamelana ny fahaiza-manao sy ny herintsika ho harafesina noho ny tsy fiasana. (...)
Matetika anefa ny Kristianina no mamela ny fiahiahiana momba izao fiainana izao haka ny fotoana izay an'Andriamanitra. Manokana ny fotoana sarobidy ananany ho amin'ny asa aman-draharaha na ny fialamboly izy. Ny heriny manontolo dia ampiasainy amin'ny fanangonana ny haren'ny tany. (...)
Maro amin'ireo mitonona ho Kristianina no mitandrina mba hitondra ny mariky ny fahitsiana tanteraka ny raharaha ara-barotra ataony nefa tsy fahatokiana no hita eo amin'ny fifandraisa ny amin'Andriamanitra. Revo amin'ny raharahan'izao tontolo izao izy ka tsy mahatanteraka ny adidy tokony hefainy amin'ireo manodidina azy. Tsy voataiza ao amin'ny fikolokoloana sy ny fananaran'ny Tompo ny zanany. Atao tsirambina ny alitaran'ny mpianakavy ary hadino ny fanoloran-tena manokana. Tsy ataony lohalaharana ny momba ny mandrakizay fa ataony ambinambin-javatra. Voaroba Andriamanitra satria izao tontolo izao no iantefan'ny eritreriny mamy indrindra ( ...). - ST, 17 Desambra 1896.