«Fahalahelovana sy henatra no ho an 'izay mandà famaizana; Fa izay manaiky anatra no homem-boninahitra.» - Ohab. 13:18.
Mofon’aina:
Ao amin'ny fanoharana dia nampanalain'ny tompony ilay mpitrosa tsy namindra fo, ka hoy izy taminy hoe: "Ry mpanompo ratsy fanahy, efa nafoiko ilay trosa rehetra taminao, satria nifona tamiko hianao; moa tsy tokony mba ho namindra fo tamin'ny mpanompo namanao koa va hianao, tahaka ny namindrako fo taminao? Dia tezitra ny tompony ka nanolotra azy amin'ny mpampijaly mandra-pandoany ny trosa rehetra. Ary tahaka izany koa", hoy i Jesôsy, "no hataon'ny Raiko Izay any an-danitra aminareo, raha tsy samy mamela ny rahalahinareo amin'ny fonareo avy hianareo". Izay mandà tsy hamela heloka dia ny fanantenana ho an'ny tenany mba hahazo famelan-keloka mihitsy no laviny amin'izany.
Nefa tsy tokony ho diso ny fampiharana ny fanoharana. Ny famelan'Andriamanitra ny helotsika dia tsy manamaivana mihitsy na kely aza ny adidintsika hankatò Azy. Toy izany koa, ny toe-tsaina mamela heloka ireo namantsika dia tsy mampihena ny fitakiana ny trosa ara-dalàna. Hoy i Kristy tao amin'ny vavaka nampianariny ny mpianany: "Mamelà ny trosanay tahaka ny namelanay izay nitrosa taminay". Amin'izany, tsy milaza Izy tsy akory fa, mba hahavoavela ny helotsika, dia tsy mahazo mitaky izay tokony ho antsika marina amin'ny mpitrosa amintsika isika. Raha tsy afaka handoa izy, na dia vokatry ny fitantanana tsy mety aza, dia tsy tokony hatao an-tranomaizina, na hampahorina, na koa hoentina amim-pahasiahana; nefa tsy nampianatra antsika hampirisika ny fahalainana ny fanoharana. Milaza ny tenin'Andriamanitra fa raha misy olona tsy miasa, dia tsy tokony hihinana koa izy. Ny Tompo akory tsy mangataka ny olona miasa mafy hiantoka ny hafa mivelona ao amin'ny hakamoana. Maro amin'izy ireny no mandanilany fotoana foana, ary tsy mikely aina mba hamelona ny tenany ka izany no mahatonga fahantrana sy tsy fahampiana aminy. Raha tsy mivoatra izay mampanaram-po ireo fahadisoana ireo, dia ho fatiantoka toy ny harena atao amin'ny kitapo loaka izay rehetra mety hatao ho azy. Nefa dia misy fahantrana tsy azo anoharana, ary tokony hampiseho fo antra sy fangorahana amin'ireo izay tra-pahasahiranana isika. (...) — HF, tt. 208,209.