"Ary hatoky Anao izay mahalala ny anaranao; fa tsy foinao izay mitady Anao, Jehovah (5." - Sal. 9:10
Mofon’aina:
Ny fanahy izay nafoin' Andriamanitra dia tsy hahatsapa (...) fitiavana ny fahamarinana sy ny famonjena toy izay itiavanao izany jnalaina tao amin'ny taratasy ho fampaherezana ny fo malahelo]. Raha toa ka tsy miasa ao amin'ny fo iray intsony ny Fanahin'Andriamanitra, dia ho tavela ao anatin'ny tsy firaihana izany fanahy izany ary hihevitra ny tenany mandrakariva ho efa mety. (...) Aoka ianao tsy hampifaly ny fahavalo na dia kely, amin'ny fisalasalana sy ny fanarian-toky. Hoy ny anjely: "Tsy mba mahafoy ny olony Andriamanitra na dia mania aza izy ireo. Tsy miodina amin'izy ireo amin'ny fahatezerana mirehitra noho ny zavatra kely foana Izy. Raha manota izy ireo dia manana mpisolovava eo anatrehan'ny Ray, dia i Jesosy Kristy Ilay marina." (...)
Ilay tia anao ka nanolotra ny ainy ho anao dia tsy mba hiala aminao na hahafoy anao raha tsy ianao mihitsy no mahafoyAzy an-tsitrapo ka mandeha manompo an'izao tontolo izao sy i Satana. Tian'i Jesosy raha manatona Azy amin'izao toerana misy anao izao ianao, tsy manana fanantenana sy kely hery. Miantoraha eo amin'ny famindrampony tsy hita lany ary minoa fa horaisiny sy hekeny ianao amin'ny maha ianao anao. (...)
Aoka ny sainao tsy hieritreritra momba ny firehetan'ny fahatezeran'Andriamanitra fa ny famindram-pony tsy hita lany sainina, ny fahavononany hamonjy ny mpanota mahantra, ary inoy fa mamonjy anao Izy. Aoka ianao hanapaka ny fatorana mangeja anao amin'ny anaran' i Jehovah. (...) Voarakitra ao amin'ny saron-tratran'i Jesosy ny anaranao ary misolo vava anao eo anatrehan'ny Ray Izy. Raha azo nampahiratina ny masonao dia ho hitanao ireo anjelin'ny lanitra miasa ho anao (...).
Manasa anao Andriamanitra mba Nino. Henoy ny Feony. (...) Mipetraka ho mpandrendrika sy mpanadio volafotsy i Jesosy. Mety mahamay tokoa ny lafaoro misy anao, kanefa hivoaka avy ao ho toy ny volamena voadio impito ianao, haneho taratra ny endrik'i Jesosy. Mahereza! Andrandrao ny masonao, minoa, dia ho hitanao ny famonjen'i Jehovah. - L 17, 1862.