"Ary ampahatanjahina amin'ny hery rehetra araka ny herin'ny voninahiny ho amin 'ny faharetana rehetra sy ny fandeferana amin'ny hafaliana."- KM. 1:11
Mofon’aina:
Tsy hery ny fanaovana teny tsy amim-piheverana, izay sady mandratra ny hafa no manimba antsika mihoatra noho ny hafa aza, satria mahatonga antsika hanenina aty aoriana rehefa misaintsaina izay nolazaintsika.
"Fandeferana amin'ny hafaliana." Na aiza na aiza misy anao, dia mety ho tafintohina ianao, ary mety hahazo tsiny. Raha ataoko anton-draharaha ny manangona ny fanakianana kely indrindra momba ahy, dia tsy hanana fotoana ho an'ny zavatra hafa intsony aho. Hoy aho: "Andriamanitra no mahalala izany rehetra izany, ka Izy no avelako handray an-tanana izany." Tsy mampaninona ahy izay lazain'ny olona momba ahy. (...)
Tsy tokony ho verintsika na oviana na oviana ny fifehezan-tena. Aoka ho eo anoloantsika mandrakariva Ilay Modely tonga lafatra. Fahotana ny manao teny tsy voahevitra sy feno fahasorenana, eny ny mitahiry fahatezerana ao am-po koa, na dia tsy manonona teny aza ny vavatsika. Tokony handeha amim-pahamendrehana isika ka haneho an'i Kristy ar .ka ny tokony ho izy. (...)
(...) Rehefa niasa teo amin'ny latabatra fandrafetana i Kristy, dia matetika no nisy olona nanodidina Azy, nanao izay hampahatezitra Azy. Nanomboka nihira Salamo mahafinaritra anefa Izy, ary tsy tsapan'izy ireo akory dia nihira niaraka taminy izy ireo, voasariky ny héros in'ny Fanahy Masina teo amin'izany toerana izany.
Irin'Andriamanitra isika raha maharitra amin'ny fahoriana sy ny fijaliana, ary koa ho afa-po amin'ny fitsaharana eo amin'ny Sandrim-pitiavany mandrakizay, noho ny finoantsika fa miasa ho antsika amin'ny fotoana rehetra Izy. Tombontsoa lehibe ho antsika ny mifaly ao amin'ny Tompo. Andeha isika hidera Azy bebe kokoa. Amin'ny fifaliantsika no anehoantsika fa miara-miafina amin'i Kristy ao amin'Andriamanitra ny fiainantsika, ao Aminy no ahitantsika fisakaizana feno fitahiana indrindra ary noho ny Fahasoavany no ananantsika fifandraisana velona amin'ny lanitra.-Ms, 102, 1901.