"Tsy varidimiventy ihany va no vidin'ny tsintsina roa? Nefa tsy misy na dia iray akory aza amin'ireny ho latsaka amin'ny tany, raha tsy avelan'ny Rainareo." — Mat. 10:29.
"Iza no tsy mahalala, raha mandinika ireny rehetra ireny, fa izay nanao ny dia ny tànan'i Jehôvah , izay mitana ny ain'ny zava-manan’aina rehetra sy ny fofonain'ny olombelona rehetra?" Jôba 12:9,10.
"Aoka hidera ny anaran’i Jehôvah ireo; fa Izy no nandidy, dia ary ireo. Nampitoetra ireo ho mandrakizay doria Izy; nomen-dalàna ireo ka tsy mba mihoatra." — Sal. 148:5,6.
"Mihirà fiderana ho an 'i Jehôvah ; Mankalazà an 'Andriamanitsika amin'ny lokanga, izay manaron-drahona ny lanitra, Izay mamboatra ranonorana ho amin'ny tany, Izay mampaniry ahitra ny tendrombohitra." — Sal. 147:7,8.
"Iza moa no nihady lalan-drano ho an'ny ranonorana mirotsaka be, sy lalan-kaleha ho an'ny helatry ny kotrokorana, handatsaka ranonorana ambonin'ny tany izay tsy itoeran'olona, dia any amin'ny efitra tsy misy mponina, mba hahavonto ny efitra sy ny tany foana, ary hampitsimoka ny ahitra vao mitsiry?" — Jôba 38:25-27.
