April 2025

Sakaizan'i Jesôsy

 " (...) Aoka isika hihazakazaka amin'ny faharetana amin'izao fihazakazahana filokana napetraka eo anoloantsika izao, mijery an 'i Jesôsy , Tompon 'ny finoantsika sy Mpanefa azy (...)" - Heb. 12:1,2.

Fototra anorenana ny finoana.

"Fa izay rehetra voasoratra fahiny dia nosoratana ho fianarantsika hananantsika ny fanantenana amin'ny faharetana sy ny fiononana avy amin'ny Soratra Masina." - Rôm. 15:4.

Manazava ny Teny ny Fanahy Masina

 "Ary ny toe-panahin'ireo dia tsara noho ny tao Tesalonika; satria nandray ny teny tamin'ny zotom-po indrindra ireo ka nandinika ny Soratra Masina isan-andro, na marina izany, na tsia." - Asa. 17:11.

Mampivelatra ny saina

"Ary rehefa mipetraka eo ambonin'ny sezam-panjakany izy, dia aoka hadikany ho azy amin'ny boky izao lalàna izao (...). Ary ho ao aminy izany ka hovakiny amin'ny andro rehetra hiainany, mba hianarany hatahotra an'i Jehovah Andriamaniny ka hitandrina ny teny rehetra amin 'izao lalàna izao sy ireto didy ireto hankatoavany azy - Deo. 17:18,19.

Fenitra hoenti-mitsara

 "Fa ny atao rehetra dia ho entin'Andriamanitra ho amin'ny fitsarana ny zava-miafina rehetra, na soa na ratsy." - Mpitt. 12:14

Mitondra fiovam-po marina.

"Fa Ezra nampiomana ny fony hitady ny làlan'i Jehôvah ka hankatò izany ary hampianatra ny Isiraely ny didy sy ny fitsipika." - Ezra 7:10.

Henoy ny feon'i Kristy

"Ary Jesôsy namaly ka nanao taminy hoe: Mahadiso hevitra anareo ny tsi-fahafantaranareo ny Soratra Masina na ny herin'Andriamanitra." - Mat. 22:29.

Lesona 5 : NY FIRENENA REHETRA: FIZARANA II - Fianarana fanampiny.

Vakio ny PM, toko 10: "Ny tilikambon'i Babela".

"Ary nahita lanitra vaovao sy tany vaovao aho; fa efa lasa ny lanitra voalohany sy ny tany voalohany' Apôk. 21:1. Manadio ny tany ny afo izay mandevona ny ratsy fanahy. Voafafa ny ozona rehetra. Tsy hisy helo mirehitra afo mandrakizay eo anatrehan'ny voavonjy hampahatsiaro mandrakariva ny vokatra mahatsiravina avy amin'ny fahotana."

Lesona 5 : NY FIRENENA REHETRA: FIZARANA II - Maminany indray

Teraka tao Amerika ny Fiangonan'ny sisa, dia teo amin'ilay toerana nitadiavan'ireo 'ireo nenjehina fahafahana ara-pivavahana indrindra, tamin'ireo taonjato faha-17 sy faha-18. Efa ela no nisian'ny korontana teo amin'ny lafiny ara-pivavahana sy ara-politika tany an-toeran-kafa; koa inoana fa tsy nisy toerana hafa ankoatra io tany vaovao io, izay tonga Etazonia taty aoriana, nahafahan'ilay fihetsehana nandroso haingana dia haingana sy tamin-kery toy izao.