May 2025

"Ary Anao koa, ry Tompo ô,  ny famindrampo, fa Hianao no mamaly ny olona rehetra araka ny asany avy." - Sal. 62:12.

Mofon’aina:
Handre ny vavaka atao amin'ny fo ilay Andriamanitra Tompon'ny Sabata. Hitari-dalana ireo izay mahatsapa ny fiankinany Aminy Izy, ary koa hitari-dalana ireo mpiasany mba ho maro ny fanahy tonga amin'ny fahalalana ny fahamarinana.

 "Ary ny mpanapaka ny synagoga dia tezitra, satria Jesosy nahasitrana tamin'ny Sabata, dia namaly ka nanao tamin 'ny vahoaka hoe: Henemana no azo anaovan-draharaha; koa avia hositranina amin'izany, fa tsy amin 'ny andro Sabata." - Lio. 13:14.

 "Ho famantarana amiko sy amin'ny Zanak 'Isiraely mandrakizay izany; fa tamin'ny henemana no nanaovan 'i Jehovah ny lanitra sy ny tany, ary tamin'ny andro fahafito dia nitsahatra Izy ka niala sasatra." - Eks. 31:17.

« Ary hoy Izy taminy: Ny Sabata no natao ho an 'ny olona, fa tsy ny olona ho an'ny Sabata.» - Mar. 2:27.

Mofon’aina:
Rehefa nampangaina ho nandika ny Sabata i Jesosy tao Betesda, dia niaro tena Izy tamin'ny fanambarana fa mifandrindra amin'izay ataon'ny Ray ny asany. Ny mpianatra indray izao no ampangaina. Maka ohatra avy ao amin'ny Testamenta Taloha ho an'ny mpiampanga i Jesosy, dia ohatra mampiseho fihetsika nataon'izay teo amin'ny fanompoana an'Andriamanitra tamin'ny Sabata.

 «Ary tsy mihoatra lavitra noho ny ondry va ny olona? Koa amin'izany dia mety ny manao soa amin'ny Sabata.» - Mat. 12:12.

Mofon’aina:
Rehefa nanontaniana i Jesosy hoe: «Mety va ny manasitrana amin'ny andro Sabata?» dia novaliany hoe: oIza moa no olona ao aminareo, raha manana ondry anankiray, ka latsaka any an-kady amin'ny Sabata, no tsy handray azy sy hampakatra azy? Ary tsy mihoatra lavitra noho ny ondry va ny olona? Koa amin'izany dia mety ny manao soa amin'ny Sabata.» — Mat. 12:11.

 «Dia hataoko ho saro-tadiavina mihoatra noho ny volamena tsara ny olombelona, eny, noho ny tena volamena avy any Ofira aza.» - Isa. 13:12.

 "Fa Tompon'ny Sabata ny Zanak 'olona. (...) Koa amin'izany dia mety ny manao soa amin'ny Sabata." - Mat. 12:8,12.

Mofon’aina:
Nisy lesona nirin'i Jesosy homena ireo mpianany mba tsy hahatonga azy ireo hotarihin'ny mpisorona sy ireo mpanapaka ho amin'ny fandikana vilana ny fomba tokony hitandremana ny Sabata rehefa tsy ho eo amin'izy ireo intsony Izy. Nesoriny tsy ho eo amin'ny Sabata intsony ireo fombafomba sy fitakiana maro namesaran'ny mpisorona sy ny mpanapaka izany.

"Ary dia milaza amin'ny Zanak'Isiraely hianao hoe: Ny Sabatako no tandremo; fa famantarana ho amiko, sy ho aminareo hatramin'ny taranakareo fara mandimby izany, mba ho fantatrareo fa Izaho no Jehovah Izay manamasina anareo." - Eks. 31:13.