January 2026

 "Fa isika rehetra kosa amin 'ny tava tsy misarona dia mijery ny voninahitry ny Tompo toy ny amin'ny fitaratra, ka ovana hahazo izany endrika izany indrindra avy amin'ny voninahitra ka ho amin'ny voninahitra, toy ny avy amin'ny Tompo, dia ny Fanahy." - 2 Kor. 3:18.

 "Mankanesa aty amiko, hianareo rehetra izay miasa fatratra sy mavesatra entana, fa Izaho no hanome anareo fitsaharana. Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an 'ny fanahinareo hianareo." - Mat. 11:28,29.

 "Mijery an 'i Jesosy, Tompon 'ny finoantsika sy Mpanefa azy, Izay naharitra ny hazo fijaliana, fa tsy nitandro henatra, mba hahazoany ny fifaliana napetraka teo anoloany, ka dia efa mipetraka eo amin'ny ankavanan'ny seza fiandrianan' Andriamanitra izy." Heb. 12:2.

Mofon’aina: 
Midika ho fiainana fa tsy fahafatesana ny hazo fijaliana, ho an'ny fanahy izay mino an'i Jesosy. Raiso ny taratra sarobidy mitondra fiainana avy eo amin'ny hazo fijalian'i Kalvary; atsory ny tananao handray ny fitahiana. (...)

 "Sambatra izay voavela ny helony sy voasarona ny fahotany. Sambatra izay olona tsy hisain’i Jehovah heloka." - Rôm. 4:7,8.

Mofon’aina:
Afaka mitodika amin' ilay Mpanavotra antsika amim-pitokisana feno ny fontsika rehefa misaina ny amin'izay nataony ho antsika isika (...). Azontsika atao ny mitsahatra ao amin'ny Fitiavany noho ny amin'ny finoana. Hoy lzy: "Izay manatona Ahy dia tsy mba holaviko mihitsy." - Jao. 6:37.

 "Aoka ny ratsy fanahy hahafoy ny lalany, ary ny tsy marina hahafoy ny heviny; ary aoka hiverina ho amin’i Jehovah ireny, fa hamindrafo aminy Izy, Eny, ho amin'Andriamanitsika, fa hamela heloka dia hamela heloka tokoa Izy." - Isa. 55:7.

"Ary koa, ny fanjakan'ny lanitra dia tahaka ny mpandranto anankiray izay nikatsaka vato soa; ary rehefa nahita vota soa iray saro-bidy izy, dia lasa nivarotra ny fananany rehetra ka nividy azy." — Mat. 13:45,46.

Mofon’aina:
Raha nampitaha ny fanjakan' ny lanitra tamin'ny vatosoa sarobidy i Jesosy dia naniry hitaona ny fanahy tsirairay ho tia izany vatosoa izany mihoatra noho ny zavatra rehetra. Ny fananana izany vatosoa izany, izay midika ho fananana an'i Kristy ho Mpamonjy ny tena manokana, dia mariky ny fananana ny harena lehibe indrindra. (...)

 "Tsy misy olona mahay manompo tompo roa; fa ny anankiray ho halany, ary ny anankiray ho tiany; na ny anankiray hombany, ary ny anankiray hohamavoiny. Tsy mahay manompo an'Andriamanitra sy Mamôna hianareo." — Mat. 6:24.

Mofon’aina:
Hijoro eo ambanin'ny iray amin' ireo faneva roa ireo ny olona tsirairay eto amin' izao tonto o izao - ireo olom-boafidy sy mahatoky ho eo ambanin'ny faneva voatentin-dran'Imanoela mpanjaka, ary ny sisa rehetra kosa ho eo ambany fanevan' i Satana. (...)

 "Fa tsy misy mahay manao fanorenana hafa afa-tsy izay natao, dia Jesosy Kristy. Ary raha misy mandrafitra volamena, na volafotsy, na vato tsara, na hazo, na bozaka, na mololo, eo ambonin 'ny fanorenana, dia aseho avokoa ny asan'ny olona rehetra; fa ny andro no hampiseho azy, satria haseho amin 'afo izany andro izany, ka dia hozahan-toetra amin'ny afo ny asan'ny olona rehetra." — 1 Kôr. 3:11-13.

"Indro, efa mitsangana eo am-baravarana Aho ka mandôndôna; raha misy mihaino nyfeoko ka mamoha ny varavarana, dia hiditra ao aminy Aho ka hiara-misakafo aminy, ary izy amiko." Apôk. 3:20.

"Isaorana anie Andriamanitra, Rain’i Jesosy Kristy Tompontsika, Izay niteraka antsika indray araka ny haben 'ny famindram-pony ho amin 'ny fanantenana velona tamin 'ny nitsanganan’i  Jesosy Kristy tamin 'ny maty, ho amin 'ny lova tsy mety simba, tsy misy loto, tsy mety levona, voatahiry any an-danitra ho anareo" - 1 Pet. 1:3-4.