"Havotako tsy ho azon 'ny herin 'ny fiainan-tsi-hita izy; hovonjeko ho afaka amin'ny fahafatesana izy; ry fahafatesana ô, aiza ny aretina fandripahanao? Ry fiainan-tsi-hita ô, aiza ny fandringananao?" Hôs. 13:14.
"Ary Izy nitondra ny fahotantsika tamin 'ny tenany teo ambonin 'ny hazo, mba ho faty ny amin 'ny ota isika, fa ho velona ny amin 'ny fahamarinana; ary ny dian-kapoka taminy no nahasitranana anareo." — I Pet. 2:24.
"Izay, na dia nanana ny endrik’Andriamanitra aza, dia tsy nataony ho zavatra ho fikiriny mafy ny fitoviana amin’ Andriamanitra, fa nofoanany ny tenany tamin'ny nakany ny endriky ny mpanompo sy ny nahatongavany ho manam-pitoviana amin'ny olona; ary rehefa hita fa nanan-tarehy ho olona Izy, dia nanetry tena ka nanaiky hatramin'ny fahafatesana, dia ilay fahafatesana tamin'ny hazo fijaliana. - Fil. 2:6-8.
"Fa fantatrareo ny fahasoavanˋi Jesôsy Kristy Tompontsika, fa na dia nanan-karena aza Izy, dia tonga malahelo noho ny aminareo, mba hampanan-karena anareo ny alahelony." — 2 Kôr. 8:9.
Mofon’aina: Nitsidika ny lapan' ireo mpanjaka tany Frantsa izahay, fony mbola notapahin'ny mpanjaka io firenena io. (...) Nitopy tany amin'ireo mpanjaka izay namakivaky ireo efitra lehibe ireo ary manana ny sariny mipetraka eo amin'ny rindrina ny saiko. Aiza izao ny voninahitra (...) nananan' izy ireo? (...)
"Dia hoy izaho: inty aho tonga - ao amin'ny horonam-boky no nanoratana ahy, ny hanao ny sitraponao, Andriamanitra ô, no sitrako; ary ny lalanao no ato anatiko." — Sal. 40:7,8.
"Ny Andriamanitry ny fanantenana anie hameno anareo amin 'ny fifaliana sy ny fiadanana rehetra amin'ny finoanareo, mba hitomboanareo amin'ny fanantenana noho ny herin 'ny Fanahy Masina." — Rôm. 15:13.
