Lesona Sekoly Sabata Herinandro

Hodinihana mandritra ny herinandro: Mar. 8:11,12; Mat. 15:21-28; Lio. 7.1-10; Efes. 2:8; Heb. 11; Apôk. 14:12. 

Tsianjery: "Ary ny finoana no fahatokiana ny amin'ny zavatra antenaina, fanehoana ny zavatra tsy hita." - Heb. 11:1. 

Nisy olona nilaza toy izao indray mandeha: "Ny finoana dia toy ny WiFi. Tsy hita maso izy, saingy manana hery mampifandray anao amin'izay ilainao." Tsy isalasalana fa raha tsy misy ny finoana, dia tsy hisy ny fifandraisana amin'Andriamanitra. 
Manao ahoana ny finoanao ankehitriny? Efa nisy fotoana ve nihozongozona ny finoanao an'Andriamanitra? Angamba efa nandalo ady sarotra ianao izay tsy nahafantaranao intsony ny fomba hirosoana eo amin'ny fifandraisanao amin'Andriamanitra. Sa ve ny finoanao tahaka ny raozy mamony amin'ny tahony maitso, izay mivelatra tsikelikely ho tonga voninkazo marevaka sy mahafinaritra, ka mameno ny efitrano misy azy amin'ny hanitra tsy hay hadinoina? Satria marina tokoa fa "ny finoana no fahatokiana ny amin'ny zavatra antenaina, fanehoana ny zavatra tsy hita." — Heb. 11:1. Tsy zavatra azontsika amboarina amin'ny herin'ny tenantsika izany, satria "finoana izay nozarain'Andriamanitra ho anareo avy" - Rôm. 12:3. Ny finoana dia fanomezana avy amin'Andriamanitra (Efes. 2:8,9), ary tsy afaka mino an'Andriamanitra isika raha tsy noho ny zavatra efa ataon'Andriamanitra ao anatintsika sy ho antsika. Andeha hodinihintsika amin'ity herinandro ity ny tohahevitra momba ny finoana: inona no hatao amin'ny fisalasalana sy ny tsy finoana? Araka ny fijerin'i Jesôsy, toy ny ahoana izany finoana matanjaka izany; ary inona no hevitry ny hoe manana "finoana an'i Jesôsy "? 

Angamba efa nandre olona nilaza toy izao ianao: oRaha afaka nahita ny Ranomasina Mena nisokatra aho, na ny mana nilatsaka, na i Jesôsy nampahiratra ny jamba, dia ho nino.» Na angamba ianao mihitsy no mieritreritra toy izany.

Nahoana tokoa moa no tokony ho mora kokoa amintsika ny hanam-pinoana noho ireo olona fahiny tamin'ny andron'ny Baiboly? Tsy nanana ny Baiboly manontolo ny Isiraelita, ary tsy nanana tantara fahiny voarakitra an-tsoratra azony nanaovana jery todika handraisany lesona tahaka antsika. Nohamafisin'i Mosesy ny maha zava-dehibe ny manao jery todika mba tsy hanadinoana ny fitantanan'Andriamanitra sy ny fahatsarany (jereo ny Deo. 4:7-10; Deo. 8:2,3). Tsy tahaka ny Isiraelita isika; tantara nandritra ny 6000 taona no ananantsika ao amin'ny Baiboly, izay azontsika anovozana lesona.

Samy nitady famantarana ny taranaka nifandimby, ary tsy hafa amin'izany izao taranaka misy antsika izao. Eny amin'ny manodidina antsika rehetra eny anefa ny famantarana. Raha mamaky ny Mat. 24 ianao dia ho hitanao fa maro ireo famantarana efa tanteraka, sy eo an-dalam-pahatanterahana ankehitriny.

Na ireo olona tamin'ny andron'i Jesôsy aza dia nangataka famantarana maneho ny maha Zanak'Andriamanitra tokoa an'i Jesôsy, na efa maro be aza ny famantarana efa nomena azy ireo. Inona no navalin'i Jesôsy izany? (Jereo ny Mar. 8:11,12).

Miady hevitra amin'i Jesôsy ve isika ka maka fanahy Azy tahaka ny Fariseo? Ataontsika «misento mafy am-panahy» mihitsy ve izy noho ny tsy fananantsika finoana kanefa efa nomeny antsika avokoa izay rehetra ilaintsika mba hinoantsika?

«Tsy ireny famantarana ireny anefa no nilain'ny Jiosy. Tsy mety hitondra soa ho azy ny porofo ivelany fotsiny. Tsy fanazavana ara-tsaina no nilainy, fa fanavaozana ara-panahy.» - IFM, t. 433. Mety mila fanavaozana ara-panahy koa ye isika - fiaraha-mandeha marina amin'Andriamanitra, isaky ny indray mandingana? Tsy famantarana angamba no tena ilaintsika satria efa rnanam-pahalalana betsaka isika, indrindra avy ao amin'ny Baibolintsika.

Koa aoka isika tsy hampisento mafy an'i Jesosy noho ny tsy fananantsika finoana, fa hahatsiaro ny teny nolazain'i Jesosy an'i Tomasy kosa: <Sambatra (...) izay tsy nahita, nefa nino» - Jao. 20:29 (jereo koa ny Heb. 11:1). Tsy mitaky ny hananantsika finoana Jamba i Jesosy - eta nomeny antony maro hinoana isika. Na eo aza anefa izany antony rehetra izany dia mbola misy ihany ny fisalasalana. Ny vahaolana dia ny mifantoka amin'izay manamafy ny finoana fa tsy amin'izay mitondra fisalasalana.

Tao anatin'ny 60 segondra farany, ahoana no hanoritsoritanao ny finoanao an'Andriamanitra? Inona no ambaran'ny valin-teninao mamba ny fiainam-panahinao? 

Ampitahao ny fanoritsoritan'i Jesôsy ny finoan'ny mpianany ao amin'ny Mar. 4:40 sy ny an'ilay vehivavy ao amin'ny Mat. 15:21-28.

Tsy hoe satria manara-dia an'i Jesôsy isika dia matanjaka avy hatrany ny finoantsika. Raha ny marina, misy olona sasany milaza fa mino, kanjo hitan'i Jesosy ny ao am-pony marina (Jao. 2:23-25).

Vakio ny Lio. 7:1-10. Inona no ampianarina antsika momba ny finoana avy amin'io tantara io?

Hitantsika ao amin'ny Mar. 9 ny tantaran’llay lehilahy nanatona an'i Jesôsy mba handroahany ny demonia ao amin'ny zanany lahy, nefa zara raha nanam-pinoana izy nilazana hoe: «Mino aho, vonjeo aho ho afaka amin'ny tsi-finoako» - Mar. 9:24.

Voamarik'i Jesôsy ny finoan'ny olona tsirairay nifanerasera Taminy, na ny tsy fahampian'ny finoany, ka nanao fahagagana Izy vokatr'izany finoana izany, na mba hanatanjaka ny finoany

Tahaka ny ampirisihan'ny Fanahy Masina antsika hino, dia manao izay hisalasalantsika na handavantsika ny fidiran'Andriamanitra an-tsehatra eo amin'ny fiainantsika ilay fahavalon'ny fanahy. "Manana hery mamatotra ny tsy finoana kolokoloina ao amin'ny fanahy. Hamoa ny voan'ny fisalasalana izay nafafiny, saingy tsy maintsy hongotany hatramin'ny fakany ny tsy finoana rehetra. Tsy hitombo intsony ireny zava-maniry feno poizina ireny rehefa voahongotra satria tsy misy mamelona azy amin'ny teny sy ny asa intsony. Ireo voa sarobidin'ny finoana sy ny fitiavana no tsy maintsy ambolena ao amin'ny fo sy ampanjakaina ao." - FA, tt. 11,12.

Rehefa misalasala ny amin'Andriamanitra na ny toetrany na ny Teniny isika, Inona no ataontsika? Tsy manao tsinontsinona na mandingana ny fisainan'ny olombelona Andriamanitra; namorona antsika araka ny endriny mantsy Izy ary manasa antsika hifampiresaka Aminy, tahaka ny nataony tamin'i Abrahama, i Mosesy, ary i Joba. Manasa antsika Andriamanitra hianatra hiasa ao anatin'ny fomba fisainany, izay mahataka-davitra sy tsy voafetra, na indraindray aza tsy maintsy miaiky isika fa misy zavatra tsy,takatry ny saintsika.

Saino ny antony mitombina rehetra mahatonga anao hanam-pinoana. Kanefa koa, hatraiza no mijanona ny lojika ka ilanao maneho finoana matanjaka sy mitombina? 

Nilaza i Jesôsy fa hahafindra tendrombohitra isika, raha manana finoana kely toy ny voan-tsinapy iray (Mat. 17:20). Raha efa nahita voantsinapy ianao, dia fantatrao ny hakelin'izany. Kanefa ny fananana finoana kely toy izany dia afaka mitondra fiovana lehibe tokoa. Koa tsy maintsy ho tena manan-danja sy mahery ary matanjaka ny finoana raha izany, satria mahavita zavatra tsy vitan'ny herin'olombelona. Na izany aza, tahaka ny voantsinapy izay afaka mitombo ho hazo lehibe (Mat. 13:31,32), ny finoantsika dia tokony hitombo fa tsy hijanona fotsiny amin'izao.

Mila manam-pinoana ampy tokoa isika mba hahafahantsika mifandray voalohany am       in'Andriamanitra (jereo ny Rôm. 12:3).

Inona no lazain'ny Efes. 2:8 amintsika momba ny anjara asan'ny finoana amin'ny famonjena? Raha misy milaza hoe: "Tsy manana finoana aho satria tsy nomen'Andriamanitra", nahoana no tsy marina izany?

Tokony ho takatsika aloha fa ny finoana dia tsy zavatra azo tsapain-tanana; fihetsika ataon'ny olombeiona vokatry ny asan'ny Fanahy Masina izany. Avy amin'Andriamanitra ny fahasoavana, Izay mitaona antsika hanatona Azy amin'ny alalan'ny Fanahy Masina rehefa avelantsika hanao izany Izy (Jer. 31:3). Fahasoavana no amonjena antsika, amin'ny alalan'ny finoana, izay setrin'ny fahasoavan'Andriamanitra nomena antsika tamin'ny alalan'ny fahafatesan'i Jesosy. Voavonjy isika satria mino an'Andriamanitra noho ny fahasoavany. 'zany no ivon'ny atao hoe manana fifandraisana Aminy. Manaraka izany, tsy azontsika hadinoina fa ny finoana dia tsy fihetseham-po. Maro no tsy manam-pinoana, kanefa tombontsoa sy adidy ho azy ny fampiasana izany.

Matetika izy ireny no miandry ilay fihetseham-po izay ny finoana irery ihany no afaka hanome izany. Tsy finoana ny fihetseham-po (...). Natao haneho finoana isika, ary anjaranAndriamanitra no manome fifaliana sy fitahiana." — EW, t. 72.

Mety hahatsapa ny olona sasany fa tsy manana finoana satria tsy mahatsiaro ho akaiky an'Andriamanitra na tsy mahatsiaro ho Kristianina araka ny tokony ho izy. Saingy ny finoana dia fitokiana sy fianteherana amin'Andriamanitra, tsy amin'ny fotoam-piadanana ihany, fa rehefa ao anatin'ny haizina na ao anatin'ny tafiotra koa, na dia rehefa tsy takatrao mazava aza ny zava-mitranga eo amin'ny fiainanao.

Tsy ny fihetseham-po velively no tokony hitondra ny fanandramana ara-pivavahantsika na ny fifandraisantsika amin'Andriamanitra. Amin'ny fotoana izay iheverantsika ho lavitra an'Andriamanitra indrindra no ilantsika maneho finoana sy miantso Azy (tahaka ilay raim-pianakaviana ao amin'ny Mar. 9:24).

Diniho ireto andininy ao amin'ny Baiboly ireto ary takio ho anao, ho fanehoam-pinoana, mba hanamafisana ny fifandraisanao amin'Andriamanitra anio: Heb. 12:1,2; 2 Tant. 15:7; Rom. 3:23-26; Lio. 7:50. Tonony amin'ny feo mafy izany ao anatin'ny vavaka ataonao amin'Andriamanitra. 

Anio, manokana fotoana handinihana ny Heb. 11. Vakio amin'ny feo mafy hatramin'ny farany aloha izany. Avy eo, vakio fanindroany, ary raiso an-tsoratra ny hevitrao momba ny valin'ireto fanontaniana manaraka ireto: 

• Vakio indray ny and. 1. lnona no antenainao ho an'ny anio nefa tsy mbola hitanao?

• inona no anjara asan'ny finoana eo amin'ny fijoroanao ho vavolombelona sy ny fiovam-ponao?

• Vakio indray ny and. 3. Nahoana, amin'ny lafiny maro, no tokony ho ny fisian'Andriamanitra Mpahary no zavatra mora inoana indrindra? 
• Vakio ny and. 6, ary storaty amin'ny fiteninao manokana ny hafatra ao. Ny and. 7-40 dia mamelabelatra ny fiainan'ireo olona samy hafa ao amin'ny Baiboly. Nahoana ny finoana no antony fototra mamaritra ny hamafin'ny fifandraisan'ireo olona ireo amin'Andriamanitra?

Ny fahafantarana an'Andriamanitra sy ny fananana fifandraisana velona sy matanjaka Aminy dia mitaky finoana. Ahoana no hanatanjahanao ny finoanao na hampaherezanao ()Iona iray izay mihozongozona ny finoany? Ireto misy hevitra vitsivitsy:

Mahery ny finoana na kely (tahaka ny voan-tsinapy) aza, ary izay ihany no ilainao mba hikolokoloana ny fifandraisanao amin'Andriamanitra (Mat. 17:20).

Avy amin'ny fihainoana an'Andriamanitra miteny amintsika ao amin'ny Teniny, ny Baiboly, ny finoana (Rom. 10:17). Manokana fotoana handinihana isan'andro ny Baiboly sy hivavahana.

Angataho Andriamanitra hampitombo ny finoanao (Lio. 17:5). Tahaka Pay raim-pianakaviana nankeo amin'i Jesosy niaraka tamin'ny zanany nitoeran'ny fanahy ratsy, dia azontsika atao ny miaiky ny tsy finoantsika ary mangataka amin'Andriamanitra mba hampitombo ny finoantsika (Mar. 9:24).

Mety ho ao anatintsika avokoa ny finoana sy ny fisalasalana (Mar. 9:24). Aza rniala amin'Andriamanitra satria hoe misy mampisalasala anao fotsiny. Raha ny marina, zava-dehibe ny miasa "amin'ny tahotra sy ny hovitra hahatanteraka ny famonjena" antsika (Fil. 2:12-16), sy ny manana finoana anao manokana fa tsy hindrana na hiantehitra amin'ny an'ny hafa, tahaka ny nataon'ireo virjiny dimy adala (Mat. 25:8).

Valio ny antson'ny Fanahy Masina ary mangataha babe kokoa Aminy eo amin'ny fiainanao. 

Asehoy ny finoanao. Tsarovy fa ny finoana dia tsy fihetseham-po, fa fanapahan-kevitra hino. Tsarovy fa na dia ao anatin'ny haizina aza, ka tsy mahita Azy ianao, dia eo Andriamanitra (2 Kan 5:7). 

Eo am-panakekezan'izao tontolo izao ny farany, ny ampahany amin'ny hafatry ny anjely telo dia manoritsoritra ny vahoakan'Andriamanitra ho (anitandrina ny didin'Andriamanitra sy ny finoana an’i Jesôsy.

Vakio ny Apôk . 14:12. Inona no hevitry ny hoe "ny finoana an'i Jesôsy"?

Ho hitantsika, raha mandinika ny fomba nahatakaran'ny Advantista Mitandrina ny Andro Fahafito ny fahamarinana amin'ny finoana isika, fa nanodidina ireo taona 1890 dia nohamafisina fatratra tao am-piangonana ny fahatakarana ny amin'ny finoana Jesôsy sy ny hafatry ny anjely telo. Mandra-pahatonga io fotoana io dia nanome lanja lehibe ny lalana ny fiangonana, ary nila nohamafisina kokoa ny momba ny filazantsara. Toy izao no namintinan'i Ellen G. White azy: 'Eta notorina ny didin'Andriamanitra, saingy ny finoana Jesosy Kristy kosa tsy mbola notorin'ny Advantista Mitandrina ny Andro Fahafito ho manan-danja mitovy amin'izany, nefa ny lalana sy ny filazantsara dia tokony hiara-dalana." — SIM, b. 3, t. 172.

Na dia mitanisa ireo lehilahy sy vehivavy nanana toe-panahy araka an Andriamanitra sy nanana finoana matanjaka aza ny Heb. 11, dia tsy misy mahatoraka ny finoan'i Jesosy ny finoan'izy ireo.

Vakio ny Mat. 26:36-42. Inona no ambaran'izany amintsika momba ny finoan'i Jesosy tamin'io fotoana niankinan'aina io?

Rehefa manana ny finoan'i Jesôsy isika, dia tsy midika fotsiny izany fa haneho finoana an'Andriamanitra tahaka ny Azy isika, amin'ny alalan'ny fankatoavana Azy sy ny Teniny, fa koa hoe hanana fanandramana velona sy mavitrika isan'andro miaraka amin'i Jesosy isika. !zany dia ny fahafantarana sy fiasana mifanaraka amin'ny fahamarinana fa raha tsy ataontsika ivon'ny fiainantsika isan'andro i Jesôsy , dia tsy mety hanana fifandraisana mahavonjy amin'Andriamanitra isika.

Ny fananana ny finoan'i Jesôsy dia midika ho fananana an'i Jesôsy mitoetra ao anatintsika, ary noho izany dia ao am-pontsika ny finoany, satria i Jesôsy no fototra iorenan'ny finoantsika. Indraindray malemy sy marefo ny finoantsika. Saingy Jesosy no mendrika (Apôk. 5:9), ary afaka manana ny finoany isika, izay sady hita taratra amin'ny fanandramana iainantsika no isaina ho antsika, amin'ny alalan'ny fahasoavana omeny izay rehetra mino.

Hatraiza ny fanirianao hanana ny finoan'i Jesôsy? Amim-panetren-tena, angataho Andriamanitra hanome anao izany, ary ataovy ao amin'ny vavakao manokana ny Heb. 11:6, manao hoe: "Tompo ô, raha tsy amin'ny finoana dia tsy misy azo atao hahazoana sitraka Aminao. Manatona Anao aho ary mino fa misy lanao, ary hamaly soa ahy izay mazoto mitady Anao. Izany indrindra no ataoko izao." 

Hamarinina (avela heloka ary aseho ho marina eo anatrehan'Andriamanitra) amin'ny finoana isika (Rom. 5:1). Avy eo, hamasinina (omena hery ho tonga tahaka an'i Jesosy) amin'ny finoana koa isika (Asa. 26:18). Rehefa manasa an'i Jesosy hiditra eo amin'ny fiainantsika isika, dia tonga zanak'Andriamanitra amin'ny alalan'ny finoana (Jao. 1:12). Velona amin'ny alalan'ny finoana ny Zanak'Andriamanitra isika (Gal. 2:20).

Ny fanahy izay malemy indrindra, nefa raha ny tena marina dia tsy azo resena indrindra dia izay mahatsapa ny maha-tsinontsinona azy ka miankina tanteraka amin'ny fahamendrehaniny Mpamonjy. Amin'ny alalan`ny fivavahana, ny fianarana ny teniny, ny finoana ny fanatrehany, no ahazoaniny olombelona malemy indrindra mivelona amin'ny fifandraisana amin'i Kristy velona, ary hihazona Azy amin'ny tanany izay tsy hivaha na oviana na oviana.» TMF, t. 116.

«Mila fampaherezana avy amin'ny fivavahana mafana sy ny fifadian-kanina ary ny fietren'ny to ny finoany. Tsy maintsy foanany ny 'izaho' ka hotenoin'ny Fanahy sy ny herin'Andriamanitra. Ny fitalahoana mafana sy maharitra amin'Andriamanitra amin'ny alalan'ny finoana, —dia finoana izay mitarika ho amin'ny fiankinana tanteraka amin'Andriamanitra, sy fanoloran-tena tsy misy fepetra ho amin'ny asany, — ireny ihany no mahasoa ka hitondra ny tanampian'ny Fanahy Masina ho an'ny olona eo amin'ny ady amin'ny fanapahana sy amin'ny fanjakana sy amin)ny mpanjakan'izao fahamaizinana izao, dia amin'ny fanahy ratsy eny amin’ny rivotra.» - IFM, t. 462, np. 

FANONTANIANA hifanakalozan-kevitra 
1. Inona ireo hevi-dehibe dimy asongadina ao amin'ny lahatsoratra etsy ambony momba ny fiaraha-miasa amin'ny Fanahy Masina hanoherana ny fahavalo?

2. Inona no anjara asan'ny finoana ao amin'izany ady izany?

3. Ahoana no fisehon'izany amin'izao fotoana izao eo amin'ny fiainanao manokana?

4. Vakio ny Heb. 10:23. Nahoana no zava-dehibe ny mihazona mafy ny fanekem-pinoantsika? 

5. Impiry ianao no misaintsaina ilay fahamarinana hoe: rehefa mahatsiaro ho tsy manan-kery ianao, dia eo indrindra no fotoana ahafahanao miantehitra bebe kokoa sy tanteraka amin'i Jesôsy ? 

Hodinihina mandritra ny herinandro: Mpits. 14; Mar. 9:42-48; Rôm. 3:20; Mat. 5:17,18; Rom. 3:28; Mat. 7:24-29.

 Tsianjery : "Tsy hohadinoiko mandrakizay ny didinao; fa ireny no amelomanao ahy. Anao aho, vonjeo aho; Fa ny didinao no tadiaviko." - Sal. 119:93,94. 

Tsy misy isalasalana fa ny fahotana no sakana lehibe indrindra ho an'ny fifandraisana ety amin'Andriamanitra. Tsy mampisaraka antsika amin'Andriamanitra ankehitrtiny fotsiny ny fahotana (Isa. 59:2), fa mamitaka, mandratra sy mikiky ary manimba antsika amin'ny farany. Ny ady atao amin'ny fahotana sy amin'ny tena no ady lehtibe indrindra hatrehintsika, ary ny vokatr'izany dia goavana tokoa, eny mandrakizay mihitsy aza.

Misy ireo izay mandray ny fahotana ho toy ny ampahan-javatra tsy maintsy misy eo amin'ny fiainana. Toetra raiki-tampisaka amin'ny olombelona rahateo ny mitady fahafinaretana. Nefa moa ve isika hanamaivamaivana ny fahotana satria efa mahazatra loatra ny fiarahamonina izany? Mety hitandrintandrina isika rehefa miresaka momba nyfahotana noho nytahotra andrao hanafintohina olona iray ny fiantsoana izany amin'ny anarany, nefa arakaraka ny ifidianantsika hiaina finaritra miaraka amin'ny fahotana no hanalavirantsika ny fifandraisana tsara amin'Andriamanitra.

Eny tokoa, samy efa nanota ny tsirairay, ary mampalahelo no sady mandratra ny hafa sy nytenantsika ary Andriamanitra ny eritreritsika, ny antony manosika antsika hanao zavatra, ary ny asa sy ny teny ataontsika. Raha ny marina, dia manimba ny fifandraisantsika amin'Andriamanitra ny fahotana, nefa Andriamanitra efa nampiseho ny Tenany tamintsika amin'ny alalan'nY fahafantarana ny didiny izay mampihanjahanja ny fahotana eo amin'ny fiainantsika. 

Andeha hodinihintsika amin'ity herinandro ity ny antony nanomezan'Andriamanitra antsika ny didy folo. Ary rehefa mandika lalàna ny olona iray (izany hoe manota), inona na iza no afaka hanampy amin'ny famerenana amin'ny laoniny ny fifandraisany amin'Andriamanitra?