IREO TANDINDONA AO AMIN'NY BAIBOLY
Diniho ireto andinin-tSoratra Masina manaraka ireto izay miresaka momba ny tandindona: Rôm. 5:14, 1 Kôr. 10:1-13, Heb. 8:5, ary ny Heb. 9:23,24. Inona no hevitr'ireo tandindona ireo?
Mampiasa ny teny grika hoe typos, nadika hoe "tandindona" na antitypos, ao amin'ny hoe "tena fitoerana masina", ireo andinin-tSoratra Masina ireo mba hilazana ny fomba namaritan'ireo mpanoratra ny TV ny fifarndraisana misy eo amin'ny andalan-tsoratra na tranga iray ao amin'ny TT, sy ny heviny tamin'ny androny, na amin'ny andro hoavy.
Ny fandinihantsika ireo tandindona ireo dia manazava ny fomba anondroan'ny olona, na tranga, na rafi-pitantanana iray mialoha an'i Jesosy na zava-misy hafa voarakitra ao amin'ny filazantsara. Manondro ny tena izy ny tandindona, toy ny lasitra na endrika izay azo avy amina endrika tena izy tany am-boalohany. Ny tena izy anefa no mahatanteraka amin'ny fahafenoany kokoa ny tanjona kendren'ny tandindona. Araka izany, ny tandindona ao amin'ny Baiboly dia maneho tenan-javatra izay efa nisy tao an-tsain'Andriamanitra, na azo tsapain-tanana izany na ara-kevitra, ary izany no namolavolana ireo tandindona izay manambara zavatra hitranga amin'ny hoavy.
Zava-dehibe ny mahatakatra fa tsy ny hanasongadinana hevitra iray tsy akory no nahatonga ireo mpanoratra ny TV hanazava ny sasany amin'ireo andalan-tsoratra ao amin'ny TT ho tandindon'ny toe-java-mitranga tamin'ny androny. Ny hevitry ny tandindona iray ao amin'ny TT dia efa voazava hatrany ao amin'ireo asa soratra ara-paminaniana mialoha ny hahatanterahany ao amin'ny TV.
Jereo ny fisehoan'i Davida ao amin'ny TT, avy eo ny fomba anehoana azy ao amin'ny TV, amin'ny maha tandindona azy. Inona ny lesona azontsika ianarana momba ny tandindona sy ny asany avy amin'io ohatra io?
a. Davida (Sal. 22:2, 15-19):
b. Ilay Davida vaovao (Jer. 23:5; Isa. 9:5,6; Isa. 11:1-5):
d. Ilay tena Davida (Jao. 19:24):
Rehefa dinihina ireo andininy ireo dia hitantsika fa ao amin'ny TT ihany no misy ny fanalahidy hamantarana ny hevitr'ireo tandindona ao amin'ny Soratra Masina. Izany hoe notarihin'ny Fanahy Masina hampiasa ireo tandindona ao amin'ny TT ny mpanoratra ny Testamenta Vaovao, izay ny TT no Soratra Masina nananany, mba hanambara ny "fahamarinana izay efa ao aminy" (2 Pet. 1:12), indrindra momba an'i Jesosy sy ny asa fanompoany.