April 2024

Indray andro raha nianatra tao amin'ny trano famakiam-bokin'ny oniversite i Martin Luther dia tonga teo amin'ny kihon-dalan'ny fiainany. Nahita dika mitovin'ny Baiboly amin'ny teny latina izy. Tsy azony an-tsaina akory ny fisian'ny boky toy io talohan'izao. Tamim-pahafinaretana no namakiany ny toko tsirairay, ny andininy tsirairay. Talanjona izy ny amin'ny fahazavana sy ny herin'ny Tenin'Andriamanitra. Rehefa namaky ireo pejin'ilay boky izy dia nanazava ny sainy ny Fanahy Masina.

Vakio ny 2 Kôr. 4:1-6 sy ny 2 Kôr. 2:14. Inona no ambaran'ireo andininy ireo ny amin'ny toky nananan'i Paoly na teo aza ireo olana natrehiny teo am-panambarana ny fahamarinan'ny Tenin'Andriamanitra?

Tojo sakana lehibe maro i Paoly teo amin'ny asa fampielezany ny Filazantsara; na izany aza dia azony antoka fa handresy ny Tenin'Andriamanitra amin'ny farany, "fa" araka ny nambarany dia "tsy mahavita na inona na inona hanohitra ny marina izahay, fa hampandroso ny marina kosa" - 2 Kôr. 13:8.

Vakio ny Rôm. 3:27-31; Rôm. 6:15-18; sy ny Rôm. 8:1,2. Inona no ampianarin'ireo andininy ireo antsika momba ny famonjena amin'ny alalan'ny fahamarinan'i Kristy irery ihany?

Vakio ny Efes. 2:8,9; Rôm. 3:23,24; Rôm. 6:23; sy ny Rôm. 5:8-10. lnona no ampianarin'ireo andininy ireo momba ny drafi-pamonjena?

Vakio ny Sal. 119: 103,104; Sal. 119: 147; sy ny Sal. 119: 104. Manao ahoana ny fandraisan'i Davida ny Tenin'Andriamanitra? Manao ahaoana ny akon'izany teo amin'ireo mpanavao fivavahana? Ary eo amin'ny fiainantsika ankehitriny?

Hodinihina mandritry ny herinandro: Sal. 119:162; Jao. 16:13-15; 2 Pet. 1:20,21; Efes. 2:8,9; Rôm. 3:23,24; Rôm. 6:15-18.
 

Tsianjery: "Ato am-poko no iraketako ny teninao, mba tsy hanotako aminao." —Sal. 119:11.

"Navelan'Andriamanitra hamirapiratra teo amin'ny sain'ireo oIona nofidiny ireo ny fahazavana lehibe ka betsaka ny fahadisoan-kevitr'i Roma no nambarany taminy; nefa tsy naseho azy avokoa ny fahazavana rehetra izay tokony homena an'izao tontolo izao. Tamin'ny alalan'ireo mpanompony ireo, dia nitarika ny vahoaka hiala tamin'ny fahamaizinan'ny fivavahana Romana Andriamanitra nefa sady maro no lehibe ny zava-misakana tsy maintsy natrehina, ka nalefa miandalana sy tsimoramora ny fitarihana azy ireo.

Vakio ny Heb. 2:14,15. Ahoana no niainan'ireo mpino tamin'ny Vanim-potoana Antenantenany ny maha zava-misy ilay fifanandrinana lehibe?

Vakio ny Sal. 19:7-11, Sal. 119:140, Sal. 119:162, ary ny Jer. 15:16. Inona ny toe-tsaina mitovy nananan'i Davida sy i Jeremia momba ny Tenin'Andriamanitra, toe-tsaina izay vato fehizoron'ny Fanavaozana ara-pivavahana?

Ampitahao ny Asa. 5:28-32, Efes. 6:10-12 sy ny Apôk . 3:11. Inona ny fitsipika fototra hita ao amin'ireo andininy ireo?

Iray amin'ny toetra nampiavaka ny Vaudois sy ireo mpanavao fivavahana tsirairay ny fanekeny tanteraka an'Andriamanitra, ny fankatoavany ny fahefan'ny Soratra Masina ary ny fileferany eo anatrehan'ny fahambonian'i Kristy fa tsy ny an'ny papa. Feno ny tantaran'ny finoana sy ny faherezana avy tao amin'ny Testamenta Vaovao ny sain'izy ireo.