April 2024

 "(...) Izay, na dia nanana ny endrik 'Andriamanitra aza, dia tsy nataony ho zavatra hofikiriny mafy ny fitoviana amin'Andriamanitra." - Fil. 2:6.

"Izay efa tian'Andriamanitra ho nampahafantarina ny haren'ny voninahitr 'ity zava-miafina ity any amin'ny jentilisa, dia Kristy ao anatinareo, Izay fanantenana ny voninahitra."- KM. 1:27.

 "Ary raha handeha hamboatra fitoerana ho anareo Aho, dia ho avy indray ka handray anareo ho any amiko, ka izay itoerako no hitoeranareo koa." — Jao. 14:3

Mofon'Aina:
Valonjato sy arivo taona mahery no lasa hatramin'ny nampanantenan'ny Mpamonjy ny hiverenany indray. Nandritra ny taonjato maro dia nameno herim-po ireo nahatoky taminy ny teniny. Tsy mbola tanteraka ilay fampanantenana saingy tsy latsa-danja amin'izany ny teny izay voalaza.

 "Mba homeny anareo, araka ny haren'ny voninahiny, sy mba hohatanjahina fatratra amin'ny Fanahiny ny toe-panahinareo." Efes. 3:16.

"Fa izay maharitra hatramin'ny farany no hovonjena." — Mat. 24:13.

Mofon'Aina:
Tsy misy heviny ny fivavahana mifototra amin'ny tena, fa Andriamanitra tsy mankasitraka ny marimaritra iraisana. (...)

Ravin-damba mafy, misy kofehy maro tsy voatanisa, notenomina niaraka tamin'ny fahaiza-manao sy ny hakingana, ny fivavahan'i Kristy. Ny fahendrena avy amin'Andriamanitra ihany no ahazoana manenona io lamba io. Rehefa mitoky amin'ny tenantsika isika dia mampiditra kofehim-pitiavan-tena ao ka manimba ilay tenona.

"Ny marina hamololona tahaka ny rofia; hisandrahaka tahaka ny sedera any Libanona izy." — Sal. 92:12.

Mofon’Aina:
Ampitahaina amin'ny sederan'i Libanona ny Kristianina. Novakiko fa tsy mianina amin'ny fandefasana faka fohy vitsivitsy ao amin'ny tany lonaka io hazo io. Faka matanjaka no alefany lalina any anaty tany ka milentika lalindalina mba hitady famaharana mafimafy kokoa izany. Ary ao anatin'ny tafio-drivotra mafy mitsoka dia mijoro izany, hazonin'ireo faka maro misandrahaka ao ambany.

"Amin'izany andro izany, hoy Jehôvah , Tompon'ny maro, dia horaisiko hianao, ry Zerobabela mpanompoko, zanak'i Sealtiela, hoy Jehôvah , ka hataoko toy ny fanombohan-kase hianao; fa efa nifidy anao Aho, hoy Jehôvah , Tompon'ny maro."— Hag. 2:23.

"Aoka hazava eo imason'ny olona toy izany koa ny fahazavanareo, mba hahitany ny asa soa taonareo ka hankalazany ny Rainareo Izay any an-danitra."— Mat. 5:16.

"Na zovy na zovy no tsy mitondra ny hazo fijaliana ka tsy manaraka Ahy, dia tsy azo ekena ho mpianatro izy." — Lio. 14:27.