January 2026

Lesona 5: MAMIRAPIRATRA AO ANATIN'NY ALINA - Fanazavana ao anatin’ny aizin’izao tontolo izao.

Manafatra ny Filipianina i Paoly ao amin'ny Fil. 2:14, mba hanao "ny zavatra rehetra amin'ny tsi-fimonomononana sy ny tsi-fisalasalana." Sarotra tokoa ny mitahiry ny firaisan'ny fiangonana ka tsy vita izany raha tsy misy ezaka lehibe avy amintsika. Vokatry ny firaisantsika amin'i Kristy sy ny fankatoavantsika ny Teniny ny firaisana ao anatin'ny fiangonana. Ary ain-dehibe ho an'ny asa fitoriantsika izany, araka ny hazavain'i Paoly, izay miantso antsika mba hiseho "tahaka ny fanazavana eo amin'izao tontolo izao."- Fil. 2:15.

Lesona 5: MAMIRAPIRATRA AO ANATIN'NY ALINA - Miasa hahatanteraka ny asan’Andriamanitra ao anatintsika isika.

Rehefa avy nampiseho an'i Jesôsy ho ohatra tonga lafatra amin'ny fanetren-tena sy ny fankatoavana ny sitrapon'Andriamanitra i Paoly, dia mitodika amin'ny Filipianina indray izao. Hamafisiny ny tokony hankatoavan'izy ireo ny Tompo rehefa avy nandray ny filazantsara izy ireo (jereo ny Asa 16:13-15,32,33), ary ampirisihiny ny hankatoavan'izy ireo toy izany hatrany.

Rehefa avy naneho ny oha-piainan'i Kristy sy ny hazo fijaliana ho toy ny lalam-pamonjena izy, dia mifantoka mivantana kokoa amin'ny fisehon'izany rehetra izany eo amin'ny fiainana.

Lesona 5: MAMIRAPIRATRA AO ANATIN'NY ALINA - Fampidirana.

Hodinihina mandritra ny herinandro: Fil. 2:12-30; Rom. 3:23,24; Rom. 5:8; 2 Tim. 4:6; 1 Kôr. 4:17; 2 Tim. 4:21, 13; Lio. 7:2.

Tsianjery "Ataovy ny zavatra rehetra amin'ny tsi-fimonomononana sy ny tsi-fisalasalana, mba ho tsy manan-tsiny sady tsy misy fitaka hianareo, dia zanak'Andriamanitra tsy manana adidy eo amin'ny firenena meloka sy maditra, izay isehoanareo tahaka ny fanazavana eo amin'izao tontolo izao." — Fil. 2:14,15. 

Fahasoavana mahagaga!

 "Ho aminareo anie ny fahasoavana sy ny fiadanana avy amin 'Andriamanitra Raintsika sy Jesosy Kristy Tompo. " — Efes. 1:2.

Miray amin'i Kristy

 "Mahatoky Andriamanitra, Izay nahatonga ny fiantsoana anareo hanananareo firaisana amin'ny Zanany, dia Jesosy Kristy Tompontsika." —1 Kôr. 1:9.

Mihavana amin'Andriamanitra

"Jesosy namaly ka nanao taminy hoe: Raha misy tia Ahy, dia hitandrina ny teniko izy; ary ny Raiko ho tia azy, ary hankao aminy Izahay ka honina ao aminy." Jao. 14:23.

Fanorenana ho an'ny mandrakizay

 "Mba hitoeranareo marina, ka hatoky tsara amin 'izay rehetra mety ho sitrapon’ Andriamanitra. " – Kôl. 4:12.

Mofon’aina:
Ilay tsy manam-petra, izay hany nahay nampisy filaminana sy hatsaran-tarehy teo amin' izay nisy korontana sy haizina (...) dia mahay mampilefitra ny fo mpikomin'ny olombelona ka mampifanaraka ny fiainany amin'ny Sitrapon'Andriamanitra. ( ...)

Sombin-danitra ety

 "Mitadiava an 'i Jehovah, hianareo mpandefitra rehetra amin'ny tany, izay nanaraka ny fitsipiny; tadiavo ny fahamarinana, tadiavo ny fandeferana; angamba ho voafina hianareo amin 'ny andro fahatezeran'i Jehovah." — Zef. 2:3.

Ny fifidianan'ny lanitra

"Ary amin'izany dia mazotoa kokoa, ry rahalahy, hampitoetra ny fiantsoana sy ny fifidianana anareo; fa raha manao izany zavatra izany hianareo, dia tsy ho tafintohina akory mandrakizay." — 2 Pet. 1:10.