June 2024

Vakio ny Apôk . 20:4-6. Inona no ataon'ny olo-marina mandritra ny arivo taona, ary nahoana izany no zava-dehibe?

Sary manaitra maneho ny fiverenan'i Jesôsy sy ny fandringanana ireo ratsy fanahy no mamarana ny Apôk. 19. Tsy tapitra eo anefa ny tantara. Miresaka amintsika ny amin'ny vanim-potoana iray maharitra arivo taona ny Apôk. 20.

Vakio ny Apôk. 20:1-3. Inona ny anjara miandry an'i Satana rehefa miverina i Jesôsy ?

Vakio ny Jao. 14:1-3 sy ny Tit. 2:11-14. Eo anatrehan'ny fihaikana amin'ny hoavy sy ny fotoan-tsarotra, nahoana ireo toko sy andininy ireo no mampahery?

Vakio ny Apôk. 22:11,12 sy ny Dan. 12:1,2 ary ny Jer. 30:5-7. Inona ny toe-javatra mitranga mialoha indrindra ny fiavian'i Jesôsy fanindroany?

Hodinihina mandritra ny andro: Apôk. 22:11,12; Jer. 30:5-7; Sal. 91:1-11; Jer. 25:33; Apôk. 21:2; Apôk. 20:11-15.

Tamin'ny taona 1851 no nampifandraisan'ireo mpamaky lay Advantista ny bibidia faharoa ao amin'ny Apôk . 13:11-17 amin'i Etazonia. Azo antoka anefa fa sarotra tamin'izany fotoana izany ny nieritreritra ny fomba haneren'i Etazonia an'izao tontolo izao hiankohoka amin'ilay bibidia voalohany (Apôk . 13:12). Na tamin'ireo taona 1880 aza mantsy dia zara raha nanana sambo efa antitra 48 ny tafika an-dranomasin'i Etazonia. Nanomboka tamin'ny fiafaran'ny ady mangatsiaka anefa dia tsy misy hery afa-mitaha amin'izay ananan'ny tafik'i Etazonia.

Vakio ny Apôk . 18:1-4; Hab. 2:14 ary ny Mat. 24:14. Araka ireo andalan-teny ireo, ahoana no hamaranana ny asan'Andriamanitra eto an-tany?

Vakio ny Joe. 2:21-24 sy ny Asa. 2:1-4, 41-47. Inona ny faminaniana tanteraka tamin'ny taonjato voalohany? Inona ny fiantraikan’izany?

Amin'ny andro farany, dia hiseho amin'ny fomba manaitra ny fifanandrinana lehibe mahakasika ny fiankohofana. Moa ve isika miankohoka amin'ny Mpamorona, sa miankohoka amin'ny bibidia sy ny sariny? Tsy misy ny eo anelanelan'ireo. Mananatra ny lehilahy sy ny vehivavy ny anjely voalohany ao amin'ny Apôk. 14, manao hoe: "(...) miankohoka eo anoloan'Izay nanao ny lanitra sy ny tany sy ny ranomasina ary ny loharano."- and. 7.